Нууц мэдээллийн уурхай

Английн Саутгемптон хотод ахимаг лесби хос хөрш нь болох 56 настай саятантай “дайны байдалтай” байгаа гэнэ. Хелена Ричардсон, Паула Голланд нар нь албан ёсоор гэрлэлтээ батлуулсан ижил хүйстэн хос гэнэ.

Харин хөрш Нейл Димот нь уламжлалт гэр бүлийн харилцааг эрхэмлэгч эр аж.

Тэдний маргаан нь лесби хосын тэжээдэг тахианаас болжээ. Тахиа нь өглөө бүрт донгодож сэрээдэг нь шөнө дөл болтол ажиллаж орой унтдаг саятанд үнэхээр тээртэй байжээ. Ингээд тахиагаа зайлуулахыг шаардахад лесби хос татгалзсанаар дайн эхэлжээ. Саятан эр хариу болгож байгалийн жам ёсны хайр болох эр эм хүмүүсийн дурлалын сүлд дууны нэг гэгддэг алдарт “When a Man Loves a Woman” дууг өглөө бүр чангаар тавьдаг болжээ. Энэ дуугаа өглөө бүрээс гадна өдөрт хэдэнтээ тавьдаг тул ижил хүйстэн хос ялгаварлан гадуурхалтын нэг хэмээн шүүхэд ханджээ.

-Тэр бидний бэлгийн чиг баримжааг энд нүүж ирсэн өдрөөс эхлээд л .үзэн ядаж эхэлсэн. Ил гаргаагүй ч бидэнд мэдрэгддэг байсан. Тахианаас үүдсэн маргаанаас болж бүр ч их ялгаварлан гадуурхаж байна. Үүний нэг жишээ нь тэр дуу юм. Дуугаа өглөө бүр манай байшинд сонсогдохоор чанга тавьдаг.  Биднийг хашаандаа сууж амрах эсвэл байшингийх нь хажуугаар явахад гэртээ гүйж ороод л дуугаа чангаар тавьдаг. Сүүлдээ 1-2 цагаар тасралтгүй сонсгодог болсон. Энэ нь зориуд бидний эсрэг явуулж байгаа ялгаварлан гадуурхалт мөн-
Харин саятан эр бэлгийн цөөнхийг ялгаварлан гадуурхаагүй, зүгээр л тэр дуунд маш дуртай гэжээ. Гэхдээ барууны ЛГБТ байгууллагууд “When a Man Loves a Woman” дууг ижил хүйстнүүдийг ялгаварлан гадуурхсан өнгө аястай хэмээн эсэргүүцдэг.
 

NUUTS.mn