Нууц мэдээллийн уурхай

Калифорни мужийн Беркли хотын төв цэнгэлдэхийн ойролцоо Бето гэдэг жижигхэн биетэй мексик цагаач шарсан зайдас зардаг байжээ. Гэтэл саяхан түүн дээр цагдаа ирж зайдас шардаг түрдэг машиныг нь хурааж авчээ. Мөн орлогийн бүх мөнгийг нь хүртэл хураахыг хөлбөмбөгийн тэмцээн үзэхээр ирсэн Мартин Флорес гэдэг блоггер нүдээрээ харжээ.

Тухайн үед 4-5 хүн шардас зайдас зарж байхад цагдаа зөвхөн мексик эрийн л машин орлогийг хураан авчээ. Бусад нь цагаан арьстнууд байсан тул тэдэнд амаар сануулга өгөөд өнгөрчээ.  Блоггер эр цэнгэлдэхийн булан бүрд шахуу хүмүүс архи ууж байхад цагдаа шарсан зайдсаар оролдлоо хэмээн маргалдсан байна. Тэрээр болсон явдлын бичлэгийг цахимд оруулжээ. Мексик цагаачид гудамжинд зайдас зарах зөвшөөрөл мэдээж байгаагүй ч энэ удаад цахим хэрэглэгчид Бетогийн талд оржээ.

Мартин Флорес GoFundMe сайтад данс нээж юу ч үгүй үлдсэн мексик цагаачид мөнгө хандивлахыг уриалжээ. Тэрээр 10 мянган доллар босгоно гэж тооцсон ч 31 мянган хүн мөнгө хандивлаж 59 мянган долларт хүрчээ. Хүмүүс голдуу 1-10 доллар шилжүүлжээ.

NUUTS.mn