Нууц мэдээллийн уурхай

Metro-д мэдээлснээр BBC-гийн “Drugs Map Britain” баримтат нэьтрүүлэгт 41 настай Марио Перивойтоса оролцсон байна. Энэ нь хар тамхи хэрэглэгчдийн амьдрлыг харуулдаг нэвтрүүлэг агаад хохирогч нэг дугаарт нь оролцжээ. Нэвтрүүлгийн багийнхан гэрт ирж бичлэг хийгээд явсны дараа хэсэг зуур “амрахаар” шийдэж хар тамхиа гарган хэрэглэжээ. Хэрэглээд үлдсэнийг нь ширээн дээр ил тавиад хэвтээд өгчээ. Гэтэл тэр нь хүнийг шууд үхэлд хүргэх хэмжээнээс долоо дахин их байсан нь дараа нь мөрдлөгөөр тогтоогдсон. Энэ үед гэрийн эзний Стаффордширын бультерьер хэмээх тулаанч үүлдрийн Майор дуудлагат нохой нь ширээн байсан бүх хар тамхийг идэж долоож бүрэн мансуурчээ.

Хар тамхи татсан нохой маш түрэмгий , дүрэлзсэн зантай болж үсэрч харайж харсан бүхэн лүүгээ дайрах гэдэг. Ингээд л буйдан дээр яраглан хэвтэж байсан эзэн дээрээ үсрэн гарч зууж хазаж эхэлжээ. Мансуурсан нохойдоо бариулж байгаа эрийн аймшигтай хашгирах дуугаар хөршүүд нь цагдаа дууджээ. Энэ зуурт нохой нь хүзүүд нь хүрч таван см гүн шарх гаргаж  нүүр цээжийг нэлэнхүйд нь урж хазжээ. Азаар идсэн хар тамхи нь их байсанд эзнийхээ хоолойг тас хазахаас өмнө өөрөө ухаан алдан унасан гэнэ.

Цагдаа нар ирээд хаалгыг нь эвдэх гээд 10 минут болоход олон тооны шарх авсан эр цус их алдаж эмнэлэгт хүргэгдээд л амиа алджээ. Харин нохойг нь үхлийн тариагаар тарьжээ.
 

NUUTS.mn