Нууц мэдээллийн уурхай

Daily Mail-д мэдээлснээр Дейв Тейлор гэдэг 54 настай ахимаг эр Майкл Хэй хэмээх 54-тэй саятны 450 мянган еврогийн үнэтэй  ‘Coco’ хэмээх бүхээгтэй, тансаг, хурдан моторт завины зангууг нь огтолж хаясан хэрэгтээ Лондонгийн шүүхэд дуудагджээ. Саятан зангууг нь огтолсоны улмаас завинд нь 10 мянган еврогийн хохирол учирсан хэмээн цагдаад гомдол гаргажээ.

Цагдаа хэргийг мөрдөөд Дейвийн гэм буруутайг тогтоон шүүхэд шилжүүлсэн. Тэрээр ‘Coco’-гоос гадна ‘Vortex’ хэмээх бас нэгэн тансаг моторт завьтай аж. Энэ хэргийн шалтгаан нь эмэгтэй хүнээс болжээ. Дейв нь өөрийн найз бүсгүй болох 26 настай Ханна Брук нь хэрэг гардаг шөнө саятны завинд хоносон хэмээн мэдүүлжээ.

Тэрээр найз хүүхнээ мөрдсөөр Ньюкастлын дэргэдэх усан зогсоолд тансаг завин дотор бүдүүн саятантай байхыг нь олж нүдээрээ харжээ. Бүр загас наадуулсан хэмээн баталсан ч үүнийгээ нотлох нэг ч баримт гаргаж ирээгүй.

Ингээд араар тавьсан найз хүүхэндээ өөрийг нь доромжилсон мөнгөтэй саятанд хорсохдоо тансаг завиных нь зангууны оосрыг тас огтолжээ. Зангуу нь тэр дороо живсэн. Харин саятан Ханна гэх бүсгүй завинд нь ирсэнийг хүлээн зөвшөөрсөн ч сексийн тухайд эрс эсэргүүцжээ. Тэрээр ердөө цэнгүүн зохион байгуулж зочид болон эмэгтэйчүүд иржээ. Ер нь найз нараа урьж завиараа зугаалуулж наргидаг гэнэ.

Хэрэг гардаг өдөр зогсоолд зогсож байсан завь руу нэгэн эр гэтэж ирж байгааг саятан бүхээгний цонхоороо харжээ. Тэр нь хөөрхий Дейв байсан агаад саятан түүнд “битгий завины цонхоор хараад бай” хэмээн хашгирсан аж. Саятан нь хоёр ч охинтой тул өөрөөсөө олон насаар дүү бүсгүйг завиндаа авчирч тийм юм хийх хүн биш гэж үгүйсгэжээ.

Тэрээр тансаг ангилалын машин зардаг бизнестэй,  үнэт машин, завины хорхойтон гэнэ. Лондонгийн баячуудын Дурхам дүүрэгт 650 мянган еврогоор үнэлэгдэх байшинтай аж.
 

NUUTS.mn