Нууц мэдээллийн уурхай

Independent-д мэдээлснээр Дели хотын цагдаа 23 настай Мастэким Ахмад гэдэг залууг нэг тосгоны найз Инаятаа хөнөөсөн хэрэгт буруутган баривчилжээ. Тэд Уттар-Прадеш мужийн Амроха гэдэг тосгоны багын найзууд агаад ажил хийхээр хамтдаа Делид өнгөрсөн оны эхээр иржээ. Улмаар нэгэн зоогийн газар тогоочоор хамт ажиллах болсон байна. Саяхнаас Ахмадын байнга ханилагаж, юм залгихад хоолой нь өвдөж зовиурлах болсонд эмнэлэгт үзүүлтэл улаан хоолойны хорт хавдар туссан гэсэн онош тавьжээ. Эмч нар тамхи их татдагаас болсон гэсэн байна.

Ахмад нь тамхи сайн татдаг агаад өдөр нэг хайрцгийг татдаг байжээ. Найз Инаят нь мөн сайн тамхичны дээр анх тамхи татахыг зааж өгч тамхинд оруулсан гэнэ. Өдгөө хамт ажиллах болсноор бие биенээ уруу татан улам ч ихийг татах болжээ. Аймшигт өвчин туссан Ахмад тамхи татахыг заасан найзаа буруутгаж үзэн ядаж эхэлжээ. Зоогийн газрын эзэнд Инаятыг ажлаас халахыг шаардаж үүнээс болж хоёр найз муудалцан ажил дээр зодолдож бөөн хэрэг мандуулжээ. Эцэст нь эзэн нь Ахмадыг халжээ. Залуу тосгондоо очин хэсэг байсан ч удалгүй буутай Делид буцаж ирээд найзыгаа буудан хороосон аж.
 

НУУЦ.мн