Нууц мэдээллийн уурхай

Энэ улсын Засгийн газрын бүтцэд Ес зүй, дээд ёс суртахуун /Uganda’s Minister of Ethics and Integrity/ хариуцсан яам ажилладаг. Яам нь ард иргэдээ гэгээрүүлэх, ёсзүйн хүмүүжил олгох , үндэсний болон лалын эрхэм дээд ёс суртахуунд үнэт зүйлд сургахаас гадна гаж буруу үзэл суртлаас хамгаалж  хар тамхи, садар самуунд уруу татагдах сэргийлж ижил хүйстнүүд, трансвистуудтай тэмцдэг. Ёс зүйн дээд ёс суртахуун хариуцсан  яам нь 2013 онд байгуулагдаж сайдаар Саймон Локодо ажиллаж байна.

Саяхан яамны харьяанд Садар самуунтай тэмцэх үндэсний зөвлөлийг байгуулж гишүүд нь тангарагаа  өргөн албан ёсоор ажилдаа оржээ. Энэ зөвлөлийг байгуулах болсон шалтгаан нь 2014 оны Гүүглийн судалгаанаас үүдэлтэй. Сайд Саймон Лакотагийн хүсэлтээр хийгдсэн гэх судалгаанд угандачууд гей-порно сэдвийн хайлтаараа дэлхийд гуравдугаар байранд ордог гэсэн аймшигтай дүн гарчээ. Энэ нь хүн амых нь 30 хувь нь ижил хүйстний бэлгийн чиг баримжаатай гэх дүгнэлт хийхэд хүргэсэн. Ингээд тус улсаас гей-порно сайтад хандах, энэ сэдэвтэй холбоотой сонтентэд холбогдохыг хаасан. Гэтэл удалгүй хүүхдийн порно гэдэг том асуудал гарчээ. Угандачууд энэ сэдвийн кино бичлэг, зураг материалыг ихээр үздэг татаж авдаг нь бас л судалгаагаар батлагджээ. Сайдын тушаалаар гей болон хүүхдийн порно үзсэн татаж авсан иргэдийг барьж шийтгэж байгаа  боловч байдал дээрдсэнгүй. Энэ үеэс яамны дэргэд порнографитай тэмцэх тусгай байгууллага байгуулах санал яригдаад өдгөө ажил хэрэг болж байгаа нь энэ гэнэ.  Өдгөө тус зөвлөл нь яамны захиалгаар Өмнөд Солонгосд хийгдсэн “порно илрүүлэгч төхөөрөмж”/ porn detector machine/-ийг орон даяар байрлуулж сууриулуулах, тогтмол ажиллагааг нь хангах ажиллахаар болжээ.

Тус төхөөрөмжийг захиалан хийлгэхэд 300 сая уганда шиллинг буюу 80 мянан доллар зарцуулсан. Төхөөрөмж нь ажиллагааныхаа бүсэд интренэтийн бүх төрлийн порно болон ижил хүйстний контентэд холбогдох хандлагыг хаахаасгадна дээрхи төрлийн материалыг хадгалж байгаа комьютерийг илрүүлэх чадалтай гэнэ.  Бүр гар утсанд байгаа контентийг ч илрүүлдэг гэнэ. Хэрвээ хориглосон материал цахимаас татаж авсан, хадгалсан үзсэн бол гурван мянган доллартай тэнцэх хэмжээний торгууль төлөхөөс гадна албадан хөдөлмөр хийх, хорих ялтай. Энэхүү төхөөрөмжийг орон даяар сууриулуулахад зориулан яамнаас хоёр тэрбум шиллинг гаргаж өгчээ. Харин олон нийт нь төр засаг ард иргэдээ тагнаж чагнаж байна хэмээн эсэргүүцжээ.

NUUTS.mn