Нууц мэдээллийн уурхай

Ж.Эрдэнбатын Засгийн газар бүхэн бүрэлдэхүүнээрээ огцорлоо. Үүнийг цахим орчинд хамгийн түрүүнд баяртайгаар хашгирч зарласан нь Ж.Энхбаяр гишүүн. Хариуцлагатай улстөрч бол засгийг огцруулах үндэслэлийг дурдаад ядаж “Үүргээ гүйцэтгэж чадаагүй Засгийн газар огцорлоо” хэмээн ёс зүйтэй жиргэмээр юм. БХИС-ийг төгссөн төгсөөгүй нь мэдэгдэдгүй гишүүний байгаа байдал нь л энэ.Засаг огцруулах хуралдаанаар олон гишүүдийн үнэн нүүр төрх харагдлаа. Н.Учрал гэдэг залуу улстөрч ирээдүйн “поп”-оор тодорч байгаа юм байна.

Л.Оюун-Эрдэнэ нь хувийн итгэл үнэмшлийн тухай ярилаа. Өөрийнхөө ах өрсөлдөгч намын нэр дэвшигч хоёрын хооронд үг зөөж гүйх нь бас л хувийн итгэл үнэмшлээр хийдэг ажил уу ... М.Оюунчимэг  дүүргийхэндээ хандаж бараг л “чингэлтэйчүүдээ хөөрхөн нь шудрага л байгаа шүү” хэмэн пиардаад амжлаа. Төсвийн байгууллагад л ажиллаж байсан гишүүн хатагтай 960 сая төгрөгийн хадгаламжтай. Эрхэм уншигчид болж өнгөрсөн үйл явдлын цаг хугацааны тохирлыг анхаарна уу Ердөө хоёрхон сарын өмнө 7-р сарын 7-нд Х.Баттулгад ялалт авчирсан Ерөнхийлөгчийн сонгуулийн дахин санал хураалт болсон. Монгол ялсан. Хоёр сарын дараа нь 9-р сарын 7-нд “Топор” яллаа.

Ерөнхийлөгчийн хуурай дүү “Херо” Баатар бичлэгдээ “Баттулгын ялалтын 30-40 хувь нь Топорын гавьяа” гэсэн. Тэгвэл Ж.Эрдэнэбатын огцролтын гавьяаны 40 хувь нь УИХ-д сууж байгаа АН-ыханд оногдоно. Тэд “Топор”-ын бүлэгтэй хавсайдаад л унагалаа. Ирээдүйд хоёр эрхэм ингэж дутуугаа нөхөж дундуураа дүүргэж явах юм байна. Энэ хоёр хүссэндээ хүрвэл ирээдүйд МАН, АН хоёр нэгдэж ч магадгүй. рээдүйд МАН, АН хоёр нэгдэж ч магадгүй. Өдгөө МАН-ын Бага, Их хурал гээд "Херо" Баатарын хийх ажил ч ундрах нь дээ ... Харин ирээдүйд хол явах улстөрчийн хувьд Ж.Эрдэнбат жудаг ярьсан хуурамч нөхдөө эртхэн таньж авлаа.
 

НУУЦ.мн