Нууц мэдээллийн уурхай

Buzzfeed-д нэгэн япон хэрэглэгч эмэгтэй настай эцэг нь сүүлийн 20 жилд нэг л цамцыг байнга шахуу өмсөж байгаа тухай сэтгэл уярам түүхийг бичиж оруулсан нь хандалт ихтэй байна. Тэрээр эцгийгээ энэхүү шар захтай ногоон өнгийн “поло” цамцыг олонтоо өмсдөгт нь дотроо дургүйцдэг байжээ.  Шинэ цамцнууд авч өгсөн ч өмсдөггүй сав л хийвэл өнөөхийгөө өмсчихсөн байдаг аж. Сүүлдээ уурлан байж учрыг нь асуухад аав нь дуугаралгүй гэмшингүй инээмсэглэсэн болж өнгөрөөсөн гэнэ. Ингээд саяхан аавындаа ирээд эцэг эх хоёрынхоо хурмын зургийн цомгийг үзэж суугаад учрыг нь олжээ. 40 жилийн өмнө аав ээж хоёр нь гэрлээд бал сарын аялалаар Италийн Венеци хотод очжээ. Энэ үед аав нь өнөөх шар захтай ногоон “поло”-гоо өмссөн бол ээж нь ногоон захтай шар “поло”-той байжээ.

Тэд аялалын турш энэ хоёр л цамцаа өмсөж байсан нь зургуудаас нь шууд харагджээ. Ийнхүү охин нь учрыг одоо л ойлгожээ. Ээж нь 18 жилийн өмнө хорт хавдраар өөд болсон тул аав нь хайрт эхнэрээ дурсан санагалзаж бал сарын аялалаар хослож байсан цамцаа байнга өмсдөг аж.  Эхнэрээсээ хойш 20 жилийн турш ихэд ариглан өмссөөр байгаа аж
-Аав цамц нь жаахан л урагдаж сэмрэхэд маш нямбай гэгч нь оёж сэлбэдэг.  Долоо хоногт 1-2 удаа өмсдөг агаад баяр ёслол, гэр бүлийн хүндэтгэлийн баяруудад  гагцхүү энэ цамцаа л өмсдөг-

Ногоон “поло” цамц аавых нь ээжтэй нь өнгөрүүлсэн тэрхүү сайхан бал сарын дурсамж болж үлджээ. Энэ түүх цахим хэрэглэгчдийн сэтгэлийг хөдөлгөжээ.

-Аав чинь сайн хүн бас сайн нөхөр юмаа-

- Ээж чинь аавын тань хайрыг татсан эмэгтэй байжээ. Ямар гоё түүх вэ-

-Ээжид чинь их хайртай хэвээрээ байна. Ийм хайр алга болдоггүй. Энэ хайранд ээж чинь одоо ч амьд хэвээрээ байгаа-


НУУЦ.мн