Мусульман эмэгтэйчүүдийн өмнө ГАХАЙН МАХ идсэн швед эр 1100 доллароор торгуульжээ
Нийтэлсэн: 2017-09-04 14:03:38
.jpg)
Globallookpress.com-д мэдээлснээр Шведийн шүүх нэрийг нь нууцалсан 51 настай эрийг бусдын шажин шүтлэг, итгэл үнэмшлийг гутаан доромжилсон, шашин хоорондын дайсагналд өдөөн хатгасан хэмээн есөн мянган крон буюу 1100 доллароор торгожээ. Энэ явдал өнгөрсөн 7-р сард болсон гэнэ. Шийтгүүлсэн эр трамвайд орон гивлүүр өмссөн гурван мусульман эмэгтэйн урдаас харсан суудалд очиж суугаад гахайн махан хачиртай талх идэж гарчээ. Хачиртай талхны цаасан дээр “бэкон” хэмээн бичсэн байснаас гадна хурц үнэртэй тул гахайн махыг бузарт тооцдог шашныхаа заншлын дагуу лал эмэгтэйчүүд амаа даран босож өөр суудалд очиж суужээ.
.jpg)
Гэтэл мань эр араас нь даган ахин өөдөөс нь харж суугаад том үмхэж чанга зажилж иджээ. Эмэгтэйчүүд ахин босож өөр суудалд суухад дахин өмнө нь очоод идсэн байна. Буудалд ирж лал эмэгтэйчүүд буухад өнөөх эр хачиртай талхаа барьсаар араас нь буусанд шууд цагдаад барьж өгчээ. Шүүх хурал дээр швед эр өлсөөд идсэн, уучлал гуйх гэж араас нь дагасан хэмээн мэдэгдсэн ч трамвайны камерийн бичлэгээр гутаан доромжилсон байдалтай байгаа нь батлагджээ. Ингээд түүнийг бусдын шажин шүтлэг итгэл үнэмшлийг доромжлон гутаасан, шашин хоорондын дайсагналд өдөөн хатгасан хэмээн есөн мянган кроноор торгожээ. Мөн өнөөх гурван эмэгтэй тус бүрд таван мянган кроны нөхөн төлбөр төлөхийг үүрэгджээ.
НУУЦ.мн
