Бүтэлгүй дээрэмчид цагдаа нар ШОУДАЖ байсан баарыг дээрэмдэх гээд баригдаж бялба нүдүүлжээ
Нийтэлсэн: 2017-09-04 13:43:20
.jpg)
WBAL Baltimore-д мэдээлснээр Балтимор хотын 22 настай Тири Маккою болон 21 настай Жозеф Макиннис нарыг хамгийн аз нь хаясан дээрэмчид гэжээ. Тэд хотын олон баар дундаас цагдаа нар шоудаж байсан баарыг сонгож дээрэмдэх гээд уурссан цагдаа нарт баригдаж бялба нүдүүлжээ. Хэрэг явдал 8-р сарын 28-нд болжээ. Үдээс хойш 17 цаг 30 минутын үед хоёр дээрэмчин “Monaghan's Pub” гэдэг баар-ресторанд буутай дайран орж дээрэмдэх гэжээ.
Харин энэ үед зоогийн газарт нь хотын цагдаагийн газрын 30 гаруй цагдаа тэтгэвэрт гарсан ажилтнаа үдэх ёслолын цайллага хийж байсан гэнэ. Баарныхан дээрэмдэж байгааг яаж ийгээд цагдаа нарт мэдэгдэж чадсан байна. Гэнэт хажуугийн өрөөнөөс нь бөөн цагдаа гараад ирсэнд дээрэмчид мэл гайхаж буугаа ч ашиглаж чадалгүй гарч зугтаажээ. Гэсэн ч баарнаас гараад л баригдаж бялба нүдүүлсэн байна. Цагдаа нар тэднийг баярын уур амьсгал эвдсэн хэмээн нэлээд хэтрүүлсэн аж. Харин баарныхан дээрэмчдийн тэнэгийг гайхжээ. Баарны эзэн Жэки Миланы хэлсэнээр “Monaghan's Pub” –ын замын урд талд цагдаагийн нэг хэсэг байрладаг тул тэдний бааранд өдөр бүр цагдаа нар орж үйлчлүүлдэг аж. “Манайд байнга л цагдаа нар орж гарч хооллож ундалдаг. Гэтэл ийм газрыг дээрэмдэх гэж байдаг” хэмээн хэвлэлд ярилцлага өгөхдөө шогшорчээ.
NUUTS.mn
