Украйны цагдаа сургалт явуулахаар ирсэн Канадын ЦАГДААГ дээрэмдээд баригджээ /итгэмээргүй/
Нийтэлсэн: 2017-09-04 07:10:29
.jpg)
"Страна.ua"-д мэдээлснээр гайхалтай тохиолдол Украйны нийслэл Киев хотод гарчээ. 2015-2016 онд Канадын Засгийн газрын таван сая долларын санхүүжилтээр Украйны цагдаагийн албан хаагчдыг мэргэшүүлэх тусгай төсөл хэрэгжсэн. Энэ оноос мөн гурван сая долларын төсөл хэрэгжиж байгаа гэнэ. Гэтэл Канадаас ирсэн цагдаагийн сургагч багш “шавь” болох украйн цагдаад дээрэмдүүлсэн хэрэг гарчээ. Сургагч багш энгийн хувцастай явсан байна. Өнгөрсөн сарын 27-нд шөнө дунд Костельный гудамжинд эргүүл хийж явсан цагдаа нар гадаадын иргэнийг зогсоож бичиг баримтыг нь шалгажээ. Уг иргэнд гадаад паспорт болон бэлнээр 1700 гривен /66 доллар/ байсан гэнэ. Украйн цагдаа бичиг баримтыг нь шалгаад буцааж өгөхдөө бэлэн мөнгөнийх нь талыг авчээ. Гадаадын иргэн эсэргүүцэхэд 200 гривен нэмж өгөөд машиндаа суугаад явжээ. Мөнгөө луйвардуулсан гадаадын иргэн маргааш нь цагдаад өргөдөл өгчээ. Тэрээр сургалт явуулахаар ирсэн Канадын цагдаа байсан тул дээрэмдүүлсэн нь бөөн шуугиан дэгдээсэн байна. Канадын ЭСЯ ч эсэргүүцэл илэрхийлжээ. Сургагч багшийг дээрэмдсэн цагдаагийн ажилтанг тэр дор нь илрүүлсэн агаад Печерскийн районы цагдаагийн хэлсийн цагдаа байсан аж. Түүнийг тэр дор нь халжээ. Гайхалтай нь дээрэмдсэн цагдаа Канадын төслийн сургалтанд хамрагдахаар хэлтсээсээ сонгогдсон байжээ.
NUUTS.mn
