“Топор”-ын гаргасан “УРВАЖ” магадгүй гишүүдийн жагсаалтыг А.Сүхбат тэргүүлжээ
Ж.Эрдэнэбатын Засгийн газрыг огцруулах эсэхийг хэлэлцэх УИХ –ын чуулган хэзээ мөдгүй болох гэж байна. Ялалтанда хэт итгэхийн хажуугаар итгэл алдрах ч эхэлж байгаа гэнэ. Засгийн газрыг огцруулахаар гарын үсэг зурсан гишүүд цагаа тулахад хэлсэндээ байж чадах эсэх нь анхнаасаа айдсыг нь төрүүлж байсан. Цаг хугацаа дөхөхийн хэрээр хэлснээсээ буцаж магадгүй гишүүдийн жгасаалтыг гаргаж “ажиллахаар” болжээ. Одоогоор энэ жагсаалтыг А.Сүхбат, Б.Батзориг нар тэргүүлж байгаа гэнэ. А.Сүхбатын хувьд урваж шарвадаг гэдгээрээ нэртэй. Өмнө нь АН-д гишүүнээр элсэж “энэ бол миний аль эрт хийсэн сонголт” хэмээн ярилцлага өгч байсан.
.jpg)
Бүр ҮЗХ-д нь орохоор өрсөлдөж явсан. Гэтэл сонгуулийн өмнөхөн л Ардын намд элсэж улмаар гишүүн боллоо. МАН-д нэг суудал нэмж өгсөн гавьяаг нь бодоод өмнөх явдлыг “мартагнасан” ч нэг шарвасан хүн ахиад шарвахад ямагт бэлэн явдаг гэдгээрээ айдас төрүүлж байгаа гэнэ. Үнэндээ Засгийн газрыг огцруулахаар санаархагсадын дунд их бага хэмжээгээр урваж шарваагүй хүн нэг ч байхгүй. Иймд бүгдээрээ өрөөлөөс байтугай өөрөөсөө ч айж явна. Б.Батзоригийн хувьд дүүргийн Засаг даргаар ажиллаж байсан гэдгээрээ “хотыхондоо” ойр нягт явж ирсэн. Зөвхөн энэ л сэжиг төрүүлж байгаа аж. Ер нь хоттой холбоотой бүх гишүүд эчнээгээр “хар жагсаалтанд” оржээ. Мөн нутгийн дүү Д.Гантулгадаа ч итгэхгүй яваа гэнэ. Түүний муу нэртэй хэргийг хуулийн байгууллагаас сэргээсэн нь залуу хүнийг барьц алдуулах өндөр магадлалтай юм.
НУУЦ.мн
