Гоёлын фрактай Кембрижийн оюутан орон гэргүй залуугийн нүдний өмнө 20 фунтын дэвсгэрт ШАТААЖЭЭ /бичлэг, доромжлол/
Нийтэлсэн: 2017-09-03 01:19:57
.jpg)
Мirror.co.uk-д мэдээлснээр дэлхийд нэр хүндтэй Кембрижийн оюутан Рональд Коин орон гэргүй залуугийн нүдний өмнө 20 фунтын дэвсгэрт шатааж буй бичлэгээ Snapchat-д оруулаад олон нийтийн дургүйцлийг төрүүлж улмаар сургуулиасаа хөөгджээ. Гоёлын фрак өмссөн тэрээр Ц.Элбэгдорж, Ч.Сайханбилэг нарын найз болох эдийн засгийн алуурчин, Английн Ерөнхий сайд асан Тони Блейртэй хийх уулзалтанд явж байгаад гудамжинд гуйлга гуйж байсан орон гэргүй залуутай тааралджээ. Өмнө нь кранчнаар ажиллаж байсан Райан Дэвис гэдэг залуу ажилгүй болоод амьдрал нь доройтож гудамжинд гарчээ. Болсон явдлыг тэрээр ийн өгүүлжээ.
.jpg)
-Еслолын фрак өмссөн залуу ирээд “энд юу байгааг хараадхая” хэмээн халаасаа ухаж 20 дэвсгэртийн фунт гаргаж ирэхэд нь би эхэндээ итгээгүй. Инээмсэглэн мөнгө өгч байгаа царайг нь хараад өнөөдөр ёстой аз дайрлаа л гэж бодсон. Олон хоног гадуур хоносны дараа толгой хоргодох газарт орох мөнгөтэй боллоо гэж баярласан. Намайг гараа сарвайхад хойш нь угц татан авч асаагуур гарган мөнгийг шатаагаад “өө би юу хийчихвээ, шатаачихлаа ч дээ” гээд инээд алдан яваад өгсөн-
.jpg)
.jpg)
Бичлэг цахимаар тарсан даруйдаа олон нийтийн дургүйцлийг асар ихээр төрүүлжээ. Элит их сургуулийн ганган хослол өмссөн оюутны үйлдэл нь зөвхөн ядуусыг төдийгүй амьдрахын тулд асар их бэрхшээлийн дундаар зүтгэж байгаа бүх хүмүүсийг доромжилжээ. Кембрижийн их сургуулийн захиргаа эхлээд оюутнаа өмөөрч үзсэн боловч сүүлдээ олон нийтийн талд оржээ. Түүнийг саяхан сургуулиас хөөсөн байна. Мөн их сургуулийн Консерватив намыг дэмжигчдийн нийгэмлэгээс хасжээ. Хүнд байдалд орсон оюутан уучлал гуйсан боловч нэгэнт хожимджээ.
.jpg)
-Би маш том алдаа гаргаснаа хүлээн зөвшөөрч байна. Миний үйлдлээс болж их сургуулийн нэр хүнд сэвтсэнд ихэд харамсаж байна-
Оюуны аав нь Шотландын анхны Ерөнхий сайдын удмын нэр хүндтэй нэгэн гэнэ. Тэдний гэр бүл ч мөн хүүгийнхээ өмнөөс уучлал гуйсан ч байдал намжсангүй. Өдгөө Койны амь насанд халдана, тахир дутуу болгоно, хүчлээр түлнэ гэсэн сүрдүүлэг заналхийлэл тасралтгүй ирж байгаа гэнэ. Заналхийсэн захиа сүрдүүлгийг гэрийх нь хашааг давуулан шидсэн тохиолдол хүртэл гарчээ.
Бичлэгийг энд дар ...
НУУЦ.мн
