Нууц мэдээллийн уурхай

9-р сарын 1-ний хамгийн “гоё” мэдээ магадгүй энэ байх ... Ерөнхий сайдын уйлж байгаа хүүхдийн нулимс арчих юу ч биш ... Бүхэл бүтэн 200 хүүхдийг ганцаараа зүтгээд цэцэрлэгтэй болгоно гэдэг чинь их ажил. Бахархмаар юм. Дэргэд нь сурагчийн форм тарааж байгаа Д.Сумьяабазар нь ичих хэрэгтэй. Мөн Сонгинохайрхан дүүргийн удирдлага, хотын Боловсролын газар ч дүгнэлт хийх ёстой. Тэдний өмнөөс ажлыг нь ганц эмэгтэй хүн “гялалзуулаад” байна. Олон хүн мэдээг сонсоод “Овоо доо, компани нь төрөөс их дэмжлэг авсан, ингэж хариу барих ёстой” гэцгээсэн. Тэд ч бид ч Ц.Гарамжав гишүүнийг хувиасаа эсвэл компаниасаа мөнгө гаргаад цэцэрлэг бариулж гэж ойлгосон. Гэтэл үгүй аж. Ийнхүү гишүүн хатагтай төрийн ажлаар хувийн пиараа хийдэг зам руу оржээ. Тэрхүү 200 хүүхдийн цэцэрлэгийг нь төр бариулсан. Зардлыг нь ч улсын төсвөөс гаргасан. Гишүүн дэмжсэн л байх, гэхдээ дэмжлээ гээд бүх алдар  нэрийг өөртөө наах нь дэндүү зохимжгүй бас ёс зүйгүй хэрэг. Хэрвээ хувийнхаа хөрөнгөөр ардын хүүхдүүдэд зориулаад цэцэрлэг барьчихсан бол ингэж сурталчилж болно.  Гишүүн ч “ногооноороо” байгаа нь харагдаж байна. Үнэхээр өөрийгөө сурталчилах гээд байгаа бол Лу.Болдоос үлгэр жишээ ав...

Сургууль цэцэрлэгийг төвлөрсөн халаалтанд холбосныг би хийлээ хэмээн өөртөө нааж өрөөлийг үгүйсгэн сагсуураагүй л байна. Улстөрд удсаных иймэрхүү сурталчилгаа хүмүүсийг үргээдэг олон нийтэд хүрдэггүй гэдгийг туршлагаараа олж мэдсэн нэгэн. Үнэндээ 200 хүүхдийн цэцэрлэгээс илүүтэйгээр Хөгжлийн банкны зээлээ шийдчихвэл улс Монголд илүү их тус хүргэнэ.

НУУЦ.мн