Валентины баярын өдөр найз залуугийнхаа байрыг шатаасан бүсгүй хоёр жил хоригдохоор болжээ
Нийтэлсэн: 2017-08-31 03:44:16
.jpg)
Уэльсийн Кардифф гэдэг хотын 20 настай Кейси Ли Шембри гэдэг бүсгүйд өнгөрсөн Валентины баяры өдөр найз залуугийнхаа байрыг шатаасан хэрэгт нь хоёр жилийн хорих ял оноожээ. Өөдгүй найз залуу нь дурлалт хосын баярын өдрийн өглөө утасдан бүсгүйг хаясан төдийгүй хурдан ирж эд зүйлээ авахыг шаарджээ. Кейси тэр өдрөө гэрт нь очиж өөрт байсан түлхүүрээрээ хаалгыг нь онгойлгож орж өөрийн гэх зүйлсээ авчээ. Тэр үед найз залуу нь байгаагүй гэнэ. Бүсгүй гарахдаа цаас овоолж байгаад буйданг нь шатаагаад гарсан байна. Хоёр хоногийн дараа гэрт цагдаа нар ирэхэд эксийнхээ байрыг шатаасан гэдгээ шууд хүлээжээ. Харин ч бүр дурлалт хосын баярын өдөр өөрийг нь хаясан тул ингэж өшөө хорслоо тайлах бүрэн эрхтэй хэмээн мэдэгдэж цагдаа нарыг гайхшруулсан гэнэ. Гал гарахыг эксийх нь хөрш цаг алдалгүй мэдсэний ачаар түймэр даамжраагүй байна. Гэхдээ залуугийн байрны ихэнхи эд хогшил шатаж түлэгдсэн гэнэ.
NUUTS.mn
