Нууц мэдээллийн уурхай

Монголд хамгийн их хэрэг болмоор шинэ санаачилга Наран улсад гарчээ. Энэ улсад оршуулгын зардал маш өндөр гэдгээрээ алдартай. Дундаж оршуулга 30 мянган доллар хавьцаа өртөгтөй байдаг. Наад зах нь оршуулгын зан үйл үйлдэх буддын ламд 2000-2500 долларын төлбөр төлдөг гэнэ. Тэгвэл ухаалаг япончууд энэ зардлаа хэмнэх орчин үеийн арга болжээ. Тэд оршуулгын зан үйл хийх буддын ламыг “Pepper” хэмээх лам-роботоор орлуулах болжээ.

Лам нь тогтсон хэдэн уншлага ном уншиж хонх цохих зэрэг хэвшмэл үйлдэл хийдгийг Pepper яг таг, алдалгүй хийдэг гэнэ. Түүнээс гадна түүний хөлс нь тун хямд, ердөө 450 орчим доллар аж. Энэ үйлчилгээ нэвтрүүлснээр захиалга ч тасрахгүй ирэх болжээ.

Манайд ч гэсэн мөнгө харсан, сэтгэлгүй лам нарыг “Pepper”-ээр оруулахад болно. Нэгэн монгол лам буяны ажилд ирж ном уншжээ. Талийгаачийн хойтохыг даатган ном унших үеэр утас нь дуугарахад ламбугай “хөгшин нь халтуур хийж байна, гараад залгая” хэмээн айлын хүн бүрд сонсогдохоор чанга хэлсэн гэдэг.

NUUTS.mn