Нууц мэдээллийн уурхай

Энэ бол МАН-ын бүлгийн өчигдрийн хурал дээр болсон толхилцооны нэг. Хурал дээр Засгийн газрын талаас Н.Номтойбаяр, засаг огцруулагчдын талаас Ц.Нямдорж голлож ярьжээ. Хоёр тэргүүлэгч болох М.Энхболд, У.Хүрэлсүх хоёр орж гаран байсан. Хэд хэдэн удаа гарч өрөөндөө уулзалт хийжээ. Бүлгийн хуралдааны үеэр Н.Номтойбаяр асуухгүй байхын аргагүй асуулт тавьжээ. Энэ нь засаг огцруулахаар санаархагчид шинэ Үасгийн газраа хэрхэн байгуулах, танхимаа хэрхэн бүрдүүлэх, мөн хамгийн чухал нь эдийн нийгмийн хөтөлбөр бодлого бий эсэх тухай байжээ. Ц.Нямдорж баахан шүүмжилсэний дараа Н.Номтойбаяр босож “Та бүхэн танхимаа яаж бүрдүүлэх вэ, эдийн засгийг энэ байдлаас нь унагаачихгүй аваад явах мөрийн хөтөлбөр бий юу ?” гэж асуугаад хариуд нь “чамд ямар хамаатай юм бэ” гэсэн хэдэрлэсэн хариулт сонссон гэнэ. Эсрэг талын Н.Номтойбаярд хамаагүй байж болох ч тэр засгаар удирдуулах монголчуудадхамгийн их хамаатай зүйл. Гэтэл гарын үсэг зурагчид залуусын хэлдгээр “ёстой харанхуй” яваа аж. Муушигт л ингэж харанхуй ордог болохоос Монгол улсын  эрх ашгаар ингэж харанхуйгаар тоглож болохгүй. Засаг огцруулахаар санаархагчид хэдэн сандал ширээгээ л хуваасан болохоос хэрэгжүүлэх хөтөлбөр, бодлого гэх юм үнэндээ алга, хоосон суугаа аж. Хэлэх үггүй бантахдаа ийн хэдэрлэжээ. Үнэндээ тэдэнд үзүүлэх баримт бичиг байхгүй. Улс орны эдийн засгийн хэмжээ түвшинд сэтгэж үнэлэлт дүгнэлт өгөх, бодлогийн баримт бичиг боловсруулах чадвартай нэг ч толгой байхгүй. Н.Номтойбаяр ч хамгийн эмзэг талыг нь зөв онож асуусан байна. Ийм л нөхөд овоо ажиллаж байгаа засгаа унагахаар элдэв хор найруулж явна.

 

НУУЦ.мн