53 настай эмэгтэй 738 сая доллар хожоод шууд ажлаасаа гарчээ
Нийтэлсэн: 2017-08-25 10:34:12
.jpg)
Массачусетс мужийн Чикопи хотын эмнэлэгт ажилладаг Мейвис Ванчик Америкийн хамгийн том хонжворт сугалаа болох Powerball-ын тохирлын тасалбарыг гэрийнхээ хажуугийн Pride Station & Store гэдэг дэлгүүрээс худалдаж авчээ. Аваад гэр бүлийнхээ гишүүдийн төрсөн он сар өдрийг нийлүүлэн бичээд явуултал урьд өмнө гарч байгаагүй том хожил болох 738 сая доллар хожжээ.
.jpg)
-Би ер нь хонжворт сугалаанд гэр бүлийхнийхээ төрсөн он сар өдрийг бичдэг. Эсвэл хамаатан садан найз нарынхаа өдрийг бичнэ. Мөн гэр бүл найз нөхдөөрөө уулзалдсан цугласан он сар өдрийг бичдэг-
.jpg)
Тэрээр маш их мөнгө хожсон гэдгээ ажлын газрын хүнээсээ мэджээ. Тэгээд шалгаж үзээд л тэр өдрөө ажлаасаа гарсан байна. Тэрээр 758 сая доллар хожсон ч олон төрлийн татвар суутгал хураамж төлөх учиртай. Хонжворт сугалааны газрын гаргаж өгсөн тооцоогоор тэрээр бүх татвараа төлөөд гар дээрээ 336 сая доллар авах гэнэ. Эмэгтэй татварын бүх асуудлыг компанид тодорхой хөлс төлж хариуцуулаад үлдсэн мөнгөө шууд авсан гэнэ.
.jpg)
-Би одоо бушуухан л амармаар байна. Надад очих үзэхээр мөрөөддөг олон газар, биелүүлэхийг хүсдэг цөөнгүй мөрөөдөл бий. Тэр бүхнээ гүйцэлдүүлнэ. Товчоор хэлбэл би өнөөдрөөс тэтгэвэрдээ гарч байна-
NUUTS.mn
