Нууц мэдээллийн уурхай

BBC-д мэдээлснээр Уйлтшир гүнлэгийн нэгэн фермер гахайн хороонд нь гарсан гал түймрийг түргэн шуурхай унтраасан гал сөнөөгчдийг өвөрмөц байдлаар баярлуулжээ. Гурван мэгж, 18 торой болон 20 тонн сүрэл байсан хороонд нь гал гарчээ. Гал сөнөөгчдийг ирэх зуур сүрэл нь бараг шатаж дууссан агаад гахайн сүргийг нь тоо толгойгоор нь галаас аварчээ.

Ялангуяа чарлалдан гүйлдэх торойнуудыг шатаж байгаабайшингаас гаргах нь тун хэцүү байсан гэнэ. Гахайгаа эсэн мэнд авруулсан фермер ихэд баярлаж хоёр торойгоо төхөөрөөд гал сөнөөгчдөд амтат  зайдас бэлдчихсэн байсан гэнэ. Энэ явдал галыг бүрэн унтраах хооронд болжээ. Гал унтарсаны дараа фермер гал сөнөөгчдийг аварсан торойгоор нь хийсэн амтат зайдсаар дайлсанд ядарч өлссөн эрчүүд амтархан иджээ.

Харин тэдний нэг нь болсон явдлыг цахимаар цацсаны дараа гал сөнөөгчид амьтан хамгаалагчдийн дайралтанд өртөж ёс зүйгүй хэмээн шүүмжлүүлж байгаа гэнэ. Дарга нь болсон явдалтай холбогдуулан мэдэгдэл хийж ажилтнууд нь аварсан торойгоор нь хийсэн хоолноос идсэн нь алдаа болсон гэдгийг хүлээн зөвшөөрчээ.

НУУЦ.мн