Нууц мэдээллийн уурхай

Өчигдрийн гол үйл явдал нь шадар сайд У.Хүрэлсүх албан тушаалаасаа огцрохоор өргөдлөө өгсөн явдал байсан. Өнөөдрийн үйл явдал Засгийн газраа огцруулахаар ханцуй дотроо “хутга” нуусан гишүүдийн нэрс задарсан явдал байв. У.Хүрэлсүх үнэндээ илүү том сандлын төлөө нэг жижиг сандлаас татгалзсан. Энэ нөхдүүд Н.Номтойбаярын хэлдгээр гомдогсод, хорсогсодын арми аж. Дорнодоос сонгогдсон Н.Номтойбаяр нь Засгийн газраа хамгаалах бол Х.Болорчулуун нь унагаах гэнэ. УИХ дахь “увс хүмүүс”-ээс Сангийн сайдаас бусад нь  Ж.Эрдэнэбатыг огцруулах гэнэ. Гадаад хэргийн сайдад нэр нь яригдаж байгаад унасан Ш.Занданшатар эсрэг санал өгөх нь. Түүнийг нутгийх нь “шинэков” Л.Элдэв-Очир дагана. У.Хүрэлсүх Г.Баярсайханг зодож байсан бол Л.Элдэв-Очир нь элчин сайд Залаа-Уулыг нударгалж байсан түүхтэй эр. Ц.Гарамжав, Г.Сумьяабазар, Х.Нямбаатар гээд сонгинохайрханчууд мөн засгаа унагах гэнэ. Аварга хоёрдахь удаагаа сонгогдсон ч “яахав даа хөөрхий” зэрэглэлийн л гишүүн гэгдэж яваагаа мэдэж байгаа байх. "Муу дээр муухай" гэгчээр муу ажилладаг дээр нь засгаа унагасан гэдэг "ял" нэмэгдэх нь ... Ц.Гарамжавын компани, бизнес нь энэ засгаас нэлээд хөнгөлөлт чөлөөлөлт авсан даа. Гарын үсэг зурахдаа үүнийгээ мартжээ. Сү.Батболд гарын үсэг зурсан Т.Аюурсайхан зурах нь мэдээж биз... Харин бусад нь “би одоо юу хийчих вээ” хэмээн эргэлзэж яваа гэнэ.

НУУЦ.мн