Нууц мэдээллийн уурхай

Англиийн Саффлок хотод итгэмээргүй ер бусын тохиолдол гарсан тухай suffolkgazette.com-д бичсэн нь цахимд шуугиан дэгдээжээ. Цагдаа, эмч, амьтан судлаачид иймэрхүү явдал болсонд арайхийн итгэж байгаа аж. Тэнгисийн эргийн тус хотын нэгэн эр хашаандаа чармай шалдан нарлаж хэвтжээ. Тэрээр дээшээ харан хэвтэж байгаад хэсэг зуур дуг хийсэн ч аймшигт өвдөлтөөс болж орилон сэржээ. Сэрээд харсан зүйл нь цахлай шувуу хошуундаа өрөөсөн төмсөгийг нь зуун одож байжээ. Бүх зүйл маш хурдан болж өнгөрсөн агаад мань эр шувууг харж амжаад л өвдөлтөндөө бас цус ихээр алдаж эхэлсэн  тул ухаан алдан унажээ. Нөхрөө аймшигтайгаар хашгирахыг сонссон эхнэр нь байшингаасаа гүйн гарч ирээд бөгсөн бие болон хөл нь цусанд хутгалдсан болохыг хараад бас л ухаан алдаж унах шахсан гэнэ. Гэсэн ч цаг алдалгүй түргэн дууджээ. Цагдаад ч дуудлага өгчээ. Хэдийгээр маш их цус алдсан ч эмч нар азгүй эрийн амийг аварч чадсан байна. Одоо биеийн байдал нь тогтвортой байгаа гэнэ. Цагдаа нар эргийн дагуу явж гэмт хэрэгтнийг хайсан ч хэдэн зуун цахлай дундаас олох аргагүй мухарджээ. Гэхдээ л цахлай үйлдсэнийг хохирогч баталсан тул хэрэг үүсгэсэн байна. Болсон явдалд амьтан судлаачид л хариулт өгч чаджээ. Цахлай нь бусад шувуудын үүрнээс өндөг хулгайлахдаа мэргэшсэн гэнэ. Энэ зөнгөөрөө халуун наранд дээшээ харан хэвтэж байгаа эрийн бэлэг эрхтнийг шувууны үүртэй андуурсан аж. Мөн төмсөгийг нь амтат өндөг гэж эндрүүрээд шумбан дайрч хурц хошуугаараа тас татан зуугаад нисэн оджээ.
 

НУУЦ.мн