Үйлчлүүлэгч нэг долларын дэвсгэрт наадаг заншилтай баар 25 жилийн дараа хана таазаа цэвэрлэхэд ...
Нийтэлсэн: 2017-08-19 03:05:55
.jpg)
Америкийн Мемфис хотын "Fat Smitty’s" баар одоогоос 25 жилийн өмнө байгуулагджээ. Баарны эзний баталснаар анхны үйлчлүүлэгч нь Орегон мужийн нэгэн далайчин эр байсан гэнэ. Тэндхийн загасчид далайд гарахаасаа өмнө боомтын баарны хананд мөнгөн дэвсгэрт наагаад эсэнд мэнд буцаж ирсэний дараа тэр дэвсгэртээрээ виски авч уудаг заншилтай гэнэ. Хөгшин далайчин үйлчлүүлсний дараа тэр заншлаараа баарны хананд нэгтийн дэвсгэрт наагаад явжээ.
.jpg)
Тэрнээс хойш ирсэн үйлчлүүлэгчид учрыг сонирхон асууж мэдээд мөнгө наадаг болжээ.
.jpg)
Үйлчлүүлэгчид мөнгөө хана таазанд наасаар битүү дүүргэжээ. Зарим нь өөрийн хүслээ бичсэн мөнгөн дэвсгэрт хүртэл наасан байдаг гэнэ.
.jpg)
Энэ хугацаанд баарны эзэн мөнгөнд гар хүрсэнгүй. 25 жилийн турш олон баармэн, зөөгч солигдсон ч мөнгө хулгайлсан нэг ч тохиолдол гарч байгаагүй аж. Эцэст нь хана тааз багана нь мөнгөн дэвсгэртээр битүү бүрхэгдсэн тул баарны эзэн цэвэрлэхээр шийджээ.
.jpg)
Хуулж аваад тоолоход нийтдээ 10316 ширхэг нэгтийн дэвсгэрт гарчээ. Энэ нь 25 жилийн дотор баараар нь нэг түм илүү хүн үйлчлүүлсэн болохыг харуулжээ. Баарны эзэн энэ мөнгөнөөсөө улирал бүр ууланд авирахдаа тогтмол ирж үйлчлүүлдэг бой-скаутуудын клубд гурван мянган долларыг нь хандивлажээ. Үлдсэн мөнгийг нь хотынхоо хүүхдийн эмнэлэгт шилжүүлсэн гэнэ.
НУУЦ.мн
