Нууц мэдээллийн уурхай

Мадрид хотын төвд оршдог “Робин Гүүд” кафе-ресторан нь үйл ажиллагааны тун сонин үзэл баримтлалтай гэнэ. Энэ зоогийн газар баячуудыг дээрэмдэж ядуусыг хооллодог. Зоогийн газар нь өглөөний 09 цагаас оройн 18 цаг хүртэл дээд зэргийн үйлчилгээний газар болон хувирдаг. Өглөөний цайнаас эхлээд зууш хоол нь зөвхөн чинээлэг иргэд л төлж дийлэхээр үнэтэй аж. Үнээ дагаад хоолны амт чанар нь үйлчилгээ нь ч дээд зэргийх байдаг тул өдрийн цагаар голдуу мөнгөтэй хүмүүс үйлчлүүлдэг. Харин оройн 17 цаг болоход үнэт сандал ширээ тавилгаа өөрчилэн энгийн сандал ширээ оруулж тавьдаг. Зоогийн газрын тогооч нар өдрийн хийж байсан тансаг хоолыг биш харин олон хүнд хүртээмжтэй шөл, түргэн хоолыг их хэмжээгээр хийж бэлддэг. 18 цаг болоход хаалгаа нээж ядуучууд орон гэргүй хүмүүсийг оруулан үнэгүй хооллодог гэнэ.

Энэхүү буяны ажиллагаа нь хоёр цаг үргэлжилдэг аж. Нэг оройдоо бараг 200 хүнийг хооллодог.

Энэ зоогийн газрыг  санваартан Энжел Гарсиа үүсгэн байгуулжээ.

-Манай зоогийн газрын зорилго нь баячуудаас авсан мөнгөө ядуучуудад хүртээх явдал юм. Нийгмийн баялаг нь тэгш хувиарлагдах ёстой. Ядуучуудыг орой үнэгүй хооллох мөнгийг баячуудаас авсан өглөө, өдрийн орлогоосоо гаргаж авдаг. Доод давхаргынхан гэх тэрхүү хүмүүс манайд ирээд үнэгүй хооллоод зогсохгүй найрсаг харьцаа, сэтгэл ханамжийг мэдрээд гардаг-

НУУЦ.мн