“Жэнкон Сүх” буюу шинэ “МАНАН”
.jpg)
МАНАН-г манай ард түмэн сайн мэднэ. Бүр сайн мэддэг хүмүүс нь тэнд явж харагддаг. Өмнө нь Элбэг Баяр хоёрыг МАНАН-гийн тулгуур хоёр чулуу гэдэг байлаа. Магадгүй Намбарван ороод тулгын гурван чулуу тоо ёсоороо бүрдэх байсан. Гэсэн ч Тавантолгойгоо болоод орж чадаагүй. Тэгээд ч нүүр нүүрээ хараад ярьж чадах хүмүүсд гуравдагч зуучлагч хэрэггүй биз. Хоюулаа өөрсдийнхөө ард байгаа хэдийгээ л сайн хариуцаад сайхан маллаад явахад болдог байсан. Харин одоо МАНАН-д шинэ үе ирж хууччуул зайгаа тавьж өгчээ. Хуучны хоёр тулгуур чулууны нэг нь төрийн тэргүүний ажлаа өгч буулаа. Нөгөө нэгийг нь элбэсээр байгаад элчин сайдаас чөлөөлүүлэх хүсэлтийг өөрөөр нь гаргуулж чадлаа. Тэдний оронд шинэ хүмүүс гарч ирлээ. Хэн гэдгийг сүүлийн хэд хоногийн шил дараалсан үйл явдал харуулсан. Гэхдээ тэд хоорондоо зуучлагчаар дамжуулж харилцдаг байжээ. Нэг айлын тэрсхэн ах дүү хоёр шинэ тулгын хоёр чулууны “сайн дүү” болсон нь улстөрд бас л ховорхон тохиолдолд тооцогдоно. Өмнөх тулгын чулуунууд “эрх тэгш” тэнцүү эрхтэй байсан гэдэг. Тэгвэл энэ удаад түрүүлж уралдаад юманд нь хүрсэн нь давамгайлж байна. Тэгээд нөгөөхөө намын дарга болгоход туслах ёстой байж ... Энэ чухал ажилд энэ талын ажилд машид туршлагажсан дүү нь “сойж уралдуулахаар” ярилцаж байна. Гэхдээ энэ мэт явдлын тухай бичлэг тарсан нь гайхал төрүүлсэн. Ашиглаж дуусчихаад замаасаа зайлуулах гэж албаар тараасан байхыг үгүйсгэх аргагүй юм. Үүнээс болж намаас нь хөөх тухай яриа гарлаа. Хөөлгөх гэж зориуд тараасан ч байж мэднэ. Тэгвэл МАНАН нэг л тулгын чулуутай үлдэх нь дээ....
НУУЦ.мн
