Нууц мэдээллийн уурхай

25 настай Лиза Терис (Lisa Theris) гэдэг оюутан бүсгүй Албамагийн гүн их ой руу зугтаж гүйгээд 25 хоног төөрчээ. Тэрээр 31настай  Мэнли Дэвис,  36 настай Рэндалл Освальд гэдэг хоёр эртэй хамт явж байжээ. Тэд Мидуэйд ангийн отогд хүрч орох гэжээ. Бүсгүй бусдын эзэмшилд хууль бусаар нэвтэрсэн хэргийн оролцогч болохгүйн тулд нөгөө хоёроосоо зугтаан ой руу ороод төөрчээ.

Харин хоёр эр ангийн отгоос 40 мянган долларын эд зүйл хулгайлаад баригджээ. Тэр үеэс бүсгүйг алга болсонд зарлаж эрэн хайх ажиллагааг эхлүүлжээ. Хайхад орон нутгийн цагдаагийнхан, аврагчид, бүсгүйн ар гэрийнхэн болон сайн дурынхан оролцсон байна. Тэд Алабамагийн ойг нэвтэлсэн засмал замын дагуу эрж хайсан гэнэ.

Лиза ой руу зугтаж ороод л төөрчээ.

Тэрээр зутахдаа цүнхээ хаясан тул зүг олох луужин, гар чийдэн, хоол хүсний нөөц ус ч байсангүй.

Мөн гадуур хувцсаа орхижээ. Бүсгүй гүн их ой дундуур 25 хоног бидэрчээ. Энэ хугацаанд ердөө жимс мөөгөөр гол зогсоож иржээ.

Хэдий зун ч Алабамагийн ойд шөнөдөө их хүйтэн харанхуй байдаг. Ой дундуур явахдаа олонтоо унаж модны мөчирт биеэ маш их уржээ.  Эндхийн ой  шумуул ихтэйгээрээ алдартай.

Тэрээр энэ олон хоногт шумууланд жинхэнэ утгаараа бариулах шахжээ. Мөн ойн элдэв шимэгч хорхойд их хазуулсан гэнэ. Биеийн арьс нь нэлдээ шархдаж гэмтжээ.

Бүсгүйн дүүгийн хэлсэнээр бараг нэг ч эрүүл газар үлдээгүй гэнэ. Төөрч явах үед нь азаар зэрлэг араатан амьтад таараагүй байна. Эрлийн баг 25 хоногийн турш цуцалтгүй хайсны эцэст бүсгүйг олжээ. Олоход маш их эцэж турсан байжээ.

Гэр бүлийнхэн болон эрлийн баг түүнийг  ус уух заятайд тооцож байна.

НУУЦ.мн