Нууц мэдээллийн уурхай

АН-ыг хамгийн зарчимгүй нөхдийн цуглуулга гэдэг байсан бол өдгөө энэ алдар МАН-д шилжжээ. Энэ намын дотоод тэмцэл тэнд ямар хүмүүс хутгалдсаныг тодоос тод харууллаа. Ялангуяа залуус нь олон нийтийн эгдүүлцэл дургүйцлийг төрүүлсэн гэхэд болно. Ц.Нямдорж нар нь олон удаа эргэж буцсан зүйл ярьж байсан.

Хамгийн сүүлд л гэхэд Эрдэнэтийн асуудлыг хамгийн их ярьсан хэрнээ хүү нь шахаа хийж байхад зарчмаа умартаад эцэг хүнийхээ  хувьд “тусалсан”.  Гэтэл залуус нь ичихээ байсан ахмадуудаасаа дутахгүй болжээ. Ардын намын залуусыг гаднаас нь харахад тун ч сайхан “амьтад” байдаг. Харвард, Оксфорд төгссөн, 2-3 гадаад хэлтэй, гял цал болсон гээд л... Гэтэл энэ өдрүүдэд “гаднаа гяланцаг, дотроо паланцаг” гэгч болж байна. Ардын намын залуусаас анхлан Л.Оюун-Эрдэнэ цахимаар намын дарга руугаа дайрсан. Сонгуулийн үеэр ингээд инээгээд хамтдаа сууж байснаа тун ч амархан мартсан.

Тэгвэл намын генсек сонгуулиар 60 тэрбумын асуудлыг хуурамч хэмээн ярилцлага өгч мэдэгдэл хийж байсан. Гэтэл сарын өмнөхөн шахуу ярьж байсан зүйлээ умартаад 60 тэрбумынхан хэмээн намын нөхөд рүүгээ дайрлаа. Энэ хэрэгтэй өчигдийг хүртэл эвлэрч дуугай явсан бол шударга бустай эвлэрдэг гэдгээ баталсан гэсэн үг.

Мөн өөрт нь ашигтай бол ямар ч асуудалд таг дуугай болж чаддагаа нотолсон гэсэн үг. Өчидөрхөн үгүйсгэсэн зүйлээ өнөөдөр батлах гэж оролдох тухайн хүнийг ямар ч зарчимгүй гэдгийг л харуулахаас цаашгүй хэрэг юм. 60 тэрбумын хэрэг улстөрчдийг хэн нь хэн бэ гэдгийг “Монгол тулгатны 100 эрхэм”-д орсоноос илүүтэйгээр харууллаа. Бид ч харлаа та нарыг ...

НУУЦ.мн