Нууц мэдээллийн уурхай

Айова мужийн Ватерлоо хотын үсчин Кейли Олссон өөрт тохиолдсон нэгэн явдлыг цахимаар цацжээ. Түүний үсчний газарт сэтгэлзүнй гүн хямралд орсон 16 настай охин иржээ. Мэдээж түүний нүүр царай, гадаад төрх нь тун аймшигтай байдалтай байжээ. Харин үсчин хүний хувьд харахад толгойтой үс нь хамгийн аймшигтай байсан хэмээн Кейли бичжээ.

Охин сэтгэлзүйн гүн хямралд ороод хагас жил гаруй гэртээ өрөөндөө таг нуугджээ. Өөрийгөө хэнд ч хэрэггүй хаягдсан нэгэн гэдэгт итгэсэн гэнэ. Нэгэнт хэнд ч хэрэггүй тул өөртөө санаа тавьсангүй биеэ зөнд нь гаргуунд нь хаяжээ. Энэ хугацаанд өөрийнхөө төлөө хийж байсан ганцхан зүйл нь босож бие засдаг л байжээ. Охины үс зургаан сарын турш даахиран ширэлдэж ургажээ.

Энэ хугацаанд нэг ч удаа самнаагүй бас нэг ч удаа угаагаагүй гэнэ. Кейли энэ “аймшигтай” ганцаараа ноцолджээ. Тэрээр хоёр өдрийн турш 13 цаг зарцуулж байж үсийг нь үс шиг болгожээ. Эхний өдөр найман цаг самнаж ширэлдээг нь арайхийн гаргажээ. Дараа өдөр нь бас таван цагийн турш зассан байна.

Үсээ засуулж янзлуулсаны дараа охин уйлсан гэнэ. Мөн “таны ачаар л хүний өөдөөс харж инээж чадахаар боллоо” гэжээ.
 

НУУЦ.мн