Налайхын БТСХ-ны дарга “намын зүгээс чамайг хал гэсэн” гээд халсан гэжээ
.jpg)
Тус дүүргийн МАН-ын хороо дүүрэгтээ нэлээд хүчтэй аж. Одоо улам хүчээ авч байгаа биз. Дүүргийн биеийн тамир спортын хороонд найман жил үр бүтээлтэй ажилласан ажилтан халагджээ. Л.Мөнхбаяр нь 2016 оны 11-р сарын 30-ны өдөр Биеийн тамир, спортын хорооны даргын үүрэг гүйцэтгэгчээр томилогдож иржээ. Тэгээд сарын дараа буюу 12-р сарын 28-ны өдөр дуудаад тухайн ажилтанг дуудаад “чамайг 2017 оны 01-р сарын 02-ны өдрөөр ажпаас хална, тэр өдөр ажлаа хүлээлгэж өгөөрэй” гэжээ. Ажлаас халагдаж байгаа шалтгаанаа асуухад “...Монгол Ардын намын зүгээс чамайг хал гэсэн тушаал өгсөн, танай аав чинь Ардчилсан намын хүн, олон юм яриад байх шаардлагагүй” гэж дүрэмджээ. Ингээд он гаргаад мэдэгдэх хуудас өгч ажлаас нь халжээ. Ийнхүү улстөрийн шалтгаанаар ажлаас халагдсан гэж үзсэн ажилтан өдгөө шүүхээр заргалдаж байгаа гэнэ. Тус дүүргийн МАН-ын хорооны даргаар НИТХ-ын төлөөөлөгч С.Амарсайхан ажилладаг.
НУУЦ.мн
