Нууц мэдээллийн уурхай

Боксчин Үйтүмэнгийн хэлдгээр” илүү бүр илүү” гэнэ. Энэ тухай Сүхбаатар дүүргийнхэн харамсан бас бахархан ярьж байна. Хотын өв гэгдээд байгаа Цэрэндоржийн гудамжийг хамгаалах “тулааныг”  твитерд “элийрэгч” хэмээн ихэд алдаршсан Ц.Уянга тэргүүллээ. Гэтэл түүнийг  өмнө нь энэ дүүргээс НИТХ-д нэр дэвшихэд унагаад явуулсандаа сүхбаатарчууд харамсаж эхэлжээ. Гэсэн ч зад унагасанд нь гомдолгүй сэтгэл гаргаж дүүргийнхээ нь ганц өвийг хамгаалахын төлөөр тэмцлийг оройлон манлайлсанд нь харин ч талархалтай байна. Цэрэндоржийн гудамжийн шуугианд энэ дүүргээс НИТХ-д сонгогдсон нөхдүүд ус балгасан мэт таг сууцгаасан. Тэднийг орхиё гэхэд УИХ-д сонгогдсон Д.Цогтбаатарын бараа нь ч харагдсангүй.

Дүүргийх нь ганц өвийг устгах гэж байхад харагдадгүй мөртлөө албан тушаалын хэрүүл болсон хорооны засаг дарга нарын шуугианаар нэг юм гарч ирлээ. Өмнө нь Ерөнхийлөгчийн тангараг өргөх ёслолд баргар царайлан суусан шигээ барайсан нөхөр яриа өгч харагдсан. Ийнхүү иргэд нь иргэний тэмцэгч Их хурлын гишүүн хоёрыг харьцуулаад Уянгыг Цогтбаатараас “илүү илүү” гэжээ. Ирэх сонгуульд УИХ-д гаргаж НИТХ-д унагасан алдаагаа засах гэнэ.

НУУЦ.мн