Жорлонд хүндэрсэн хулгайчийн өтгөнөөс ДНК-г нь тогтоон илрүүлж баривчилжээ
Нийтэлсэн: 2017-08-10 05:45:35
.jpg)
Ventura County Star-д мэдээлснээр хүний ДНК-г зөвхөн үс шүлсээр тогтоодоггүй гэнэ. Өдгөө цагт ялгадаснаас хүртэл шинжилгээ авч болдог болжээ. Таузанд-Окс хотод 2016 оны 12-р сараас эхлэн орон байрны цуврал хулгай гарчээ. Хулгай хийсэн арга барилаас нь үзэхэд нэг хүн үйлдэж байгаа нь тогтоогдсон байна. Тэрээр мэргэжлийн өндөр түвшинд ажиилладаг тул хэргийн газарт ямар ч ул мөр үлдээдэггүй байжээ. Цагдаа нар бараг арга мухардаад байхад гэмт хэрэгтэн өөрөө тусалсан байна. Өнгөрсөн 4-р сар ээлжит орон байрны хулгайгаа дуусгаад эд зүйлсээ баглан гарах гэтэл гэнэт гэдэс нь базалжээ. Ингээд уг айлын жорлонд орж хүндэрчээ.
.jpg)
Тэрээр маш яарч байсан тул усаа таталгүй гарсан агаад энэ л том алдаа болсон аж. Цагдаа нарыг ухуулсан айлд ирэхэд урьдын адил ямар ч ул мөр байсангүй. Гэхдээ жорлонд хэрэгтний үлдээсэн өтгөн байсанд дээж авч ДНК-гийн шинжилгээнд оруулжээ. Шинжээчидийн гаргасан дүгнэлтээр хэрэгтний ДНК нь өмнө нь хулгайн хэргээр ял эдэлж байсан 42 настай Эндрю Дэвид Женсенийх болох нь тогтоогджээ. Түүнийг эрэн сурвалжилж өнгөрсөн сарын 27-нд баривчилсан. Тэрээр яагаад баригдсанаа огт ойлгохгүй байхад нь цагдаа нар жорлонгийн тухай сануулж даапаалсан гэнэ.
NUUTS.mn
