Нууц мэдээллийн уурхай

Энэ өдрүүдэд Америкийн ерөнхийлөгч Дональд Трамп, Хойд Солонгосын удирдагч Ким Чен Ун нар харилцан бие биенээ сүрдүүлснээс болж дэлхий нийтээрээ болзошгүй дэлхийн 3-р дайн дэгдэхээс айж түшгиж байна. Америкийн ерөнхийлөгч “Манай цөмийн зэвсгийн хүчин чадал урьд өмнө байгаагүйгээр хүчирхэгжсэн. Бид дэлхийн хамгийн хүчирхэг үндэстэн гэдэг байр сууриа хэзээ ч алдахгүй” гэв. 

Хойд Солонгосын удирдагч “Америкийн Гаум аралд цохилт өгөх төлөвлөгөөгөө нарийн боловсруулж  байна” хэмээн мэдэгдсэн.

Цохилтын эхний байгаар энэ арлыг сонгосон нь тохиолдлын хэрэг биш.

Гуам нь Америкийн цэргийн Номхон далай дахь хамгийн том бааз, түшиц газар нь юм. Арлын хойд талд байрладаг Андерсоны агаарын цэргийн баазад цөмийн зэвсэг тээгч алсын зайн стратегийн бөмбөгдөгч онгоц  “B-52”-иййн анги байрладаг.

Өмнө хэсэгт орших Навал бааз нь Номхон далай дахь цөмийн шумбагч хөлгүүдийн хангалт, засвар үйлчилгээний төв юм.

Арлын 163 мянган оршин суугчдын 76 хувь нь цэргийнхэн, үлдсэн нь тэдний гэр бүл болно. Мөн энд зургаан мянган хүнтэй тэнгисийн явган цэргийн шилмэл анги бий. Хэрвээ Гуамыг устгаж чадвал америкчуудын хувьд хоёрдахь Перл-Харбор болно. Өдгөө Ким 1,2 сая цэрэгтэй, нөөцөд нь 600 мянган цэргийн үүрэгтэн бэлэн байна. Дайчилгааны нөөцөд таван сая хүн бий. Хэдий хуучирсан ч 5200 танк, 20 мянган их буу, 924 байлдааны онгоц, 20 шумбагч завьтай.  Хамгийн гол нь цөмийн цэнэгтэй 60 пуужинтай.

Энэ хүчний эсрэг Өмнөд Солонгосын 28000, Японы 54000 хүнтэй арми сөрөн зогсож байна. Хэдийн танк их буу онгоцоор цөөн ч бүгд орчин үеийх гэдгээрээ давуутай. Нөхцөл байдал хурцадсан тул америкчууд сүрдүүлэх зорилгоор Гуам арал дахь Андерсоны цэргийн баазад байрладаг алсын зайн цөмийн бөмбөгдөгч “B-1B”, “B-52” онгоцнуудын зургуудаа цацжээ. “B-1” онгоцын 37-р тусгай эскадрлийг шинэээр байгуулснаа зарлажээ.

Хойд Солонгосд олон арван мянган хүн оролцсон сүрт жагсаал болж Их удирдагчаа дэмжиж байгаа илэрхийлж Америкийн империалистуудад хатуу цохилт өгөхөө тангараглажээ.

Хөрш орнууд ч байлдааны бэлэн зарласан. Хойд Солонгосын хилийн дагуу байрласан Хятадын 150 мянган цэрэг байлдааны бэлэн байдалд оржээ. Орос хил орчмын зүг рүүгээ танк, хүнд зэвсэг зөөж байна.

Гэхдээ Хойд Солонгос эхэлж цохилт өгвөл дэлхий нийтэд дайн өдөөгч болж харагдана. Америк ч эхэлж цохилт өгвөл халдан довтлогч болж буруушаагдана. Хэрвээ Ким цөмийн зэвсэг хэрэглэвэл Хятад, Оросын өмгөөлөлийг шууд алдах аюултай гэнэ. Дэлхийн хамгийн хүчирхэг гүрэнтэй дайтвал гуравдагч хүчирхэг гүрнүүдийн дэмжлэггүйгээр тэсэж чадахгүй. Ганцаараа үлдвэл дэглэм нь мөхнө гэдгийг Ким мэдэж байгаа гэнэ.

Мөн Америк цөмийн зэвсэг түрүүлж хэрэглэвэл дэлхий нийтээр цөмийн зэвсэг чөлөөтэй хэрэглэх үүд хаалгыг нээж өгсөн хэрэг болох хор уршигтай. Ийм нөхцөлд Пакистан нь Энэтхэгийн эсрэг, Израйль Ираны эсрэг цөмийн цэнэгтэй пуужин харвах эрхтэй болно гэсэн үг аж.  Иймд хэрвээ цохилт өгөх хэрэг гарвал тив алгасах пуужин, алсын зайн бөмбөгдөгчөө ашиглан зайнаас тулалдах аж. Гол цохилтыг цэргийн анги нэгтгэ цэргийн обьект, цөмийн зэсэг үйлдвэрлэгдэг газруудад өгнө. Хэдийгээр Америк, Хойд Солонгосын удирдагчид хамгийн хатуу мэдэгдэл хийж бие биенээ сүрдүүлж байгаа ч дайн дэгдэх магадлал маш бага тухай судлаачид тайвшруулж байна.

NUUTS.mn