Нууц мэдээллийн уурхай

Америкийн цахимд бичсэнээр дэлхий хамгийн сайхан сэтгэлтэй хулгайчид Канадын Британы Колумби мужид байдаг гэнэ. Энэ мужийн хулгайчид хулгайлсан эд зүйл нь өндөр настан, эмэгтэйчүүд хүүхдийх эсвэл тухайн хүний дурсамжит зүйл байвал уучлал гуйгаад буцаагаад өгчихдөг аж. Иймд мужийнхан хулгайд юмаа алдсан бол цагдаад мэгдэхээсээ өмнө цахимаар цацаж тараадаг. Энэ удаад мөн ингэжээ. Мэл Флешер нөхрийн хамт хүүхдүүдээ унуулж сургахаар хүүхдийн япон мотоциклийг секонд-ханд захаас худалдан авчээ.

Аваад засаж янзлан хүүхдээрээ унуулж сургаж байтал саяхны нэгэн шөнө байшингаасаа алджээ. Эмэгтэй болсон явдлыг учир шалтгааны хамт цахимаар тараажээ.

-Райн гудамжинд байдаг манай байшингаас хүүхдийн 80 кубметрийн “72 Yamaha” мотоциклийг хулгайлчихлаа. Өглөө эрт л авсан юм шиг байна. Хаалганы цоожийг эвдээд авчээ. Бид энэ мотоциклийг саяхан худалдаж аваад засаж янзлан хүүхдээ унуулж сургаж байсан юм. Хуучин ч гэсэн хүүхдэд яг таарах унаа байсан. Харсан үзсэн хүн байвал мэдэгдэнэ үү ... Баярлалаа-
Цахимаар цацсаны маргааш нь л хулгайд алдсан мотоцикль байшингийх нь өмнө зогсож байжээ.

Захиа хавчуулсан байсан гэнэ.

-Юуны урьд таны хүүхдийн мотоциклийг хулгайлсандаа уучлал гуйя... Бид унаж байсан хүүхэд нь том болсон тул хэрэггүй болсон л юм байх гэж бодоод авчихсан юм. Харин таны цахимаар цацсаныг уншаад буцааж өгөхөөр шийдлээ. Танай цоожийг эвдсэн тул шинэ илүү сайн цоож бас өгч байна. Түлхүүр нь мотоциклид байгаа... Бид бас мотоциклийн шатахууны савыг дүүргээд хөдөлгүүрийн тосыг нь сольсон-
Мэл Флешер мотоциклийг нь буцаан өгсөн хулгайчидад цахимаар баярласнаа илэрхийлжээ.

NUUTS.mn