Нууц мэдээллийн уурхай

Сэтгэлзүйчдийн  дүгнэснээр гар барих нь хүмүүс хоорондын харилцааны онцлог байдлын нууцлаг илэрхийлэл гэнэ. Гар барихад бие биедээ эерөг болон сөрөг мэдрэмж мэдээлэл шууд өгч төрүүлдэг.

-Гар барьсанаар тухайн хүн өөрт нь хэрхэн хандаж байгааг нэлээд бодитой түвшинд шууд тодорхойлж болдог. Мөн өөрөө тухайн хүнд ямар сэтгэгдэл төрүүлсэнээ  ч харж мэдэрч болдог аж.

-Гар бүлээн халуухан байвал цаад хүндээ хамгийн анхны таатай сэтгэгдэл төрүүлдэг. Хүйтэн эсвэл нойтон гар нь таагүй мэдрэмж төрүүлж улмаар яриа харилцааг үр дүнгүй болгох зам рүү түлхдэг. Ийм гар барихын өмнө гарын алгаа шалгаж үзэх хэрэгтэй.
-Гар барих үед атгалтын хэмжээг зөв тогтоох нь чухал. Нөгөө хүнийхээ гарыг хэр хүчтэй атгаж байгаагаар таны хандлага тодорхойлогдоно гэдгийг санаарай. Хэт хүчтэй эсвэл сул атгаж болохгүй. Хүчтэй атгалт нь өөрийн сүр хүчийг илтгэх, тухайн хүнээсээ дээгүүр түвшинд байгааг харуулах гэсэн байдлаар ойлгогддог бол сул атгалт нь үл тоосон, тоомжиргүй хандлагын шууд илэрхийлэл болдог.

-Түрүүлж гараа өгөх нь зарим тохиолдолд зулгуйдалтын шинж болдогийг анхаар ... Нөгөө хүнтэйгээ зэрэг гараа барих нь өөртэй итгэлтэй, тухайн нөхцөлд биеэ чөлөөтэй авч яваагаа харуулдаг.  Гараа өгөхдөө түдгэлзэж саатаж болохгүй. Энэ нь таныг өөртөө итгэлгүй, тогтворгүй тээнэгэлзсэн байдалтай байгааг илчилдэг.
-Хэрвээ хүн танд дээрээс доошоо байрлалтайгаар гараа өгч байвал энэ нь ихэрхэг дээрэнгүй байдлаа харуулж байгаа хэрэг юм.
 

НУУЦ.мн