44-тэй атлаа 14 настай гэсэн хуурамч цахим хаяг нээн 15-тай сурагчийг өвөртөө оруулсан эмэгтэйг хүүгийн ээж нь барьжээ
DailyMail-д мэдээлснээр Английн зүүн зүгт оршин Клактон-он-Си хотод нэгэн завхарсан эмэгтэйг хохирогч хүүгийн ээж нь цагдаад барьж өгчээ. Энэ явдал өнгөрсөн оны 12-р сараас эхэлсэн. Мария Дент гэдэг 44 настай эмэгтэйд нэг хорооллын цаахан амьдрах 15 настай сурагч ихэд “таалагддаг” байжээ. Хүүтэй танилцахын тулд тэрээр фэйсбүүкд 14 настай охины нэрээр хуурамч цахим хаяг нээж улмаар найз нь болж харилцаж эхэлжээ. Түүнд өөрийн зураг мэтээр хөөрхөн охины зураг явуулж хүү ч зургаа илгээн нэлээд дотносож үерхэл хайр сэтгэлийн тухай ч ярьдаг болжээ. Ингээд 12-р сарын дундуур уулзахад хүү ээж шигээ эмэгтэйг хараад ихэд гайхаж цочирдон зугтах гэсэн байна.
Гэсэн ч хашир туршлагатай эмэгтэй яаж ийгээд тогтоон барьж уулзжээ. Дараа нь тэрээр мөрдөн байцаалтанд анхны уулзалт тун хүнд болж өнгөрсөн хэмээн мэдүүлсэн гэнэ. Үүнээс хойш байдал арай “дээрджээ”. Эхний уулзалтын дараа хүү “аниагаас” холбоогоо таслалгүй үргэжлүүлэн цахимаар харилцаж гарчээ. Одоо тэд сексийн талаар ч ярьдаг болсон гэнэ. Хоёрдахь уулзалтын үеэр тэд үнсэлдсэн аж. “Аниа” нь ер бусын зүйл үзүүлнэ гэсэн тул хүү зориг гаргаж гуравдахь удаагийн уулзалтаа гэртээ хийхээр шийдэн дагуулж иржээ. Гэтэл сонор сэрэмжтэй хөрш эзэгтэй хүүг ахимаг эмэгтэйтэй хөтлөлцөн гэртээ орохыг хараад ээжид нь утасдаж мэдэгдсэн байна. Гайхаж айсан эх нь яаралтай ирж хүүгийнхээ өрөөнд ороод харсан зүйлдээ мэл гайхсан гэнэ. Хүү нь өөрөөс нь ч эгч эмэгтэйтэй орондоо орсон байжээ.
Ингээд бөөн хэрэг мандсан аж. Өдгөө энэ хэргийг Челмсфорд тойргийн шүүх шүүж байна. Улсын яллагч Жейн Олдфилд 14 настай охины нэрээр хуурмч цахим хаяг нээн насанд хүрээгүй хүнийг садар самуунд уруу татсан Мария Дентийн гэмт үйлдлийг баримтаар баталжээ. Эхний шүүх хуралд хар өнгийн хувцастай ирсэн Мария Дент гэм буруугаа хэсэгчилэн хүлээжээ. Харин шүүгдэгчийн өмгөөлөгч сэтгэцийн шинжилгээ хийлгэх хүсэлт гаргасны дагуу шүүх хурлыг ирэх сарын 26 хүртэл хойшлуулаад байна. Энэ хэрэгтэй холбогдуулан Хүүхдийн эрхийг хамгаалах үндэсний нийгэмлэгээс нийт эцэг эхчүүдэд анхааруулга гаргасан байна. Хэрэгтэн эмэгтэйг барьцаагаар суллаад байгаа гэнэ.
НУУЦ.мн
