Лондон дахь монголчууд С.Баярыг эгүүлэн татахыг Ерөнхийлөгчөөс шаардаж дахин жагслаа
.jpg)
Сүүлийн үед Монгол Улсыг гадаадад төлөөлөн суугаа зарим элчин сайдуудыг эгүүлэн татах тухай асуудал хүчтэй яригдаж байна. Тухайлбал, Их Британийн Умард Ирландын Нэгдсэн вант улсад суугаа Элчин сайд С.Баяр, Шведэд суугаа Элчин сайд М.Энхсайхан нарыг эгүүлэн татах асуудлыг УИХ-тай зөвшилцөх саналтай байгаагаа Монгол Улсын Ерөнхийлөгчийн тамгын газраас мэдэгдсэн. Гэсэн ч үүнийг нь УИХ-ын Тамгын газраас эсэргүүцсэн агуулга бүхий албан бичгийг Ерөнхийлөгчийн тамгын газарт хүргүүлснээр энэ асуудал хуулийн маргаан болж өрнөөд байгаа юм. Тэгвэл Их Британийн Умард Ирландын Нэгдсэн вант улсад суугаа Элчин сайд С.Баярыг эгүүлэн татахыг шаардсан эсэргүүцлийн жагсаал Лондонд дахь Монгол Улсын ЭСЯ-ны гадна дахин өрнөжээ. Тухайлбал Лондон дахь монголчууд Элчин сайд С.Баярын томилгоог эсэргүүцэн жагсаалаа дахин үргэлжлүүлэхээр болсон байна. Тэд энэ удаад Монгол Улсын тав дахь Ерөнхийлөгч Халтмаагийн Баттулгад шаардах бичиг илгээн, С.Баярыг эгүүлэн татах хүртэл Элчин сайдын яамны гадна жагсаалаа үргэлжлүүлнэ гэдгээ мэдэгджээ.
НУУЦ.мн
