“Армийн тоглолт-2017” : Танкийн биатлонд Монголын баг хэсэгтээ баян ходоод болжээ
Нийтэлсэн: 2017-07-31 00:54:07
.jpg)
ОХУ-д болж байгаа “Армийн тоглолт -2017” хоёрдахь өдрөө үргэлжилж байна. Энэ тоглолтын хамгийн үзүүштэй өрсөлдөөн танкийн төрөлд гардаг. Энэ удаагийн танкын тэмцээнд 19 орны экипаж оролцож байна. Багууд хэсэгт хуваагдаж хэсгээсээ гарахын төлөө өрсөлдөж эхэлсэн. Эхний өдөр танкийн биатлоны төрлийн тэмцээн болсон. Энэ удаад манай баг трассыг 27 минут 04 секундэд туулж хэсэгтээ баян ходоод болжээ. Энэ хэсгийг хятадууд 19 минут 36 секундээр тэргүүлж байна. “Армийн тоглолт-2017” нь Оросын зэвсэглэлтэй орнуудын хүрээнд болдог. Харин НАТО-гийн орнуудад жил бүр «Strong Europe Tank Challenge» гэдэг тэмцээн болдог. Монголын арми хоцрогдсон зэвсэглэлтэйн дээр бие бүрэлдэхүүний байлдах чадвар муу байна. Зэвсэгт хүчин нь хүндрэлтэй асуудлыг бие бие рүүгээ түлхэж чихдэг БХ-ын сайд Б.Бат-Эрдэнэ, ЗХЖШ гэсэн хоёр толгойтой болжээ. Өнгөрсөн хавар гарсан хугацаат цэргийн албан хаагч дэглүүлсний улмаас хөлийн хуруугаа тайруулсан хэрэгт энэ байдал илүү тод харагдсан.
НУУЦ.мн
