Гэмт хэрэгтнийг барихад туслалцаа үзүүлсэн хүнд 50 мянган рубль амлахад ээж нь охиноо цагдаад барьж өгчээ
Нийтэлсэн: 2017-07-29 00:27:13
.jpg)
Оросд ер бусын хэрэг гарчээ. Новокуцнецк хотын төвийн урлагийн өргөөнд төгөлдөр хуур болон бусад хөгжмийн зэмсэг байдаг аж. Өргөө нь олон нийтэд нээлттэй байдаг гэнэ. Гэтэл 14 хоногийн өмнө тус өргөөнд өглөөний 05 цагийн үед гал гарч төгөлдөр хуур шатжээ. Камерийн бичлэгээр хоёр охин санаатайгаар төгөлдөр хуурыг шатаагаад гарч байгаа нь бичигджээ. Хотын цагдаагийн газар галдагч охидыг олохоор ажилласан ч үр дүн гараагүй тул хотын дарга Сергей Кузнецов мэдэгдэл хийж гэмт этгээдүүдийн талаар мөрдөн байцаалтанд ач холбогдолтой мэдээлэл өгсөн хүнийг 50 мянган рублээр шагнахаар амлажээ.
.jpg)
Хотын даргын амлалтын маргааш нь л зурган дээр байгаа хар цамцтай охины ээж нь охиноо бараг чирсээр цагдаагийн хэсэг дээр иржээ. Тэр дор нь нөгөө охиныг барьсан байна. Хар цамцтай охины ээжид хотын даргын амлалтын дагуу 50 мянган рублийн урамшуулал олгожээ.
НУУЦ.мн
