Нууц мэдээллийн уурхай

Австрали даяар аймшиг төрүүлж байсан цуврал алуурчин Малькольм Наден өдгөө улам бүр алдартай болжээ. Тэрээр долоон жил баригдаагүйн дээр энэ хугацаанд санаанд оромгүй газар болох амьтны хүрээлэнд нуугдаж байсан аж. Хоньчин байсан тэрээр жилийн дотор хоёр хамаатнаа хөнөөсөн агаад хэрэг нь илэрмэгц мөрдөн байцаалтаас зугтжээ. Шүүх хоёр хүн амины хэрэгт нь нийтдээ 36 жилийн хорих ял эчнээ оноогоод байсан. Хөдөөний малчин Австралийн хамгийн мундаг мөрдөгчдөд баригдахгүй байсан нь шуугиан тарьсаар байжээ. Өнгөрсөн хавар  Өмнөд Уэльс мужийн төвийн амьтны хүрээлэнгийн хамгаалалтын албаныхан хүрээлэнд нь орогноод удаж байгаа тэнүүлчнийг барих гэж хэдэнтээ  бүтэлгүй оролджээ.

Тэнүүлчин шөний цагаар амьтны хүрээлэнг нь эзэгнэн заан, сармагчны гадил, алимыг булааж хулгайлан эсвэл цөөрөмд байдаг яст мэлхийг барьж бутанд шарж иддэг байжээ. Заан сармагчинд зориулсан жимс байнга л дутах болсон байна. Цөөрөм дэх галапагоссын яст мэлхийн тоо нэлээд цөөрч амьтны хүрээлэнгийн бут сөөгнөөс толгой хуяг , араг яс нь олдох болжээ. Өглөө үүрээр эргүүл хйиж байсан хамгаалагчид яст мэлхий сугавчилаад зугтааж байгаа тэнүүлчнийг олонтоо харсан аж.

Ийнхүү хамгаалалтын алба хэд хэдэн удаагийн отолт зохион байгуулсны эцэст тэнүүлчнийг барьжээ. Түүний оромж зааны торноос олджээ. Барьсан тэнүүлчнээ цагдаад хүлээлгэн өгөх үедээ л Австрали даяар эрэн сурвалжлагдаж байсан цуврал алуурчинг барьсанаа мэдсэн байна. Цуврал алуурчны амьтны хүрэлэн дэх долоон жилийн адал явдлын тухай Daily Mail ном гаргах болсоноо зарлажээ.

NUUTS.mn