Нууц мэдээллийн уурхай

Daily Star-д мэдээлснээр Огайо мужийн Оклахамо хотын нэгэн сургуулийн захиргаа өдгөө шоронд хорих ялаа эдэлж байгаа экс багшийнхаа өмнөөс 130 мянган долларын нөхөн төлбөр төлөхөөр болжээ. Жилийн өмнө Женнифер Касуэлл гэдэг 31 настай багш эмэгтэй 15 настай сурагчтайгаа бэлгийн харьцаанд орсон хэргээр баригдсан. Шүүх хурал энэ хавар болж гэм буруутай нь нотлогдсон тул насанд хүрээгүй хүнийг садар самуунд уруу татсан хэргээр таван жилийн хорих ял оноосон. Багш эмэгтэйд ял оноосны дараа хүүгийн эцэг эх нь сургуулийн захиргааг шүүхэд өгч сэтгэл санааны хохиролд 130 мянган долларын нөхөн төлбөр нэхжээ. Учир нь багш эмэгтэй хүүтэй нь дандаа сургууль дээр бэлгийн харьцаанд орж, анги, амралтын өрөө гэх зэргийг удаа дараа ашиглаж байжээ. Түүнээс гадна сургуулийн захиргаа багш эмэгтэйг сурагчаа уруу татаж байгааг мэдэж байсан нь нотлогдсон аж. Гэсэн ч хагас жилийн дотор ямар ч арга хэмжээ авалгүйгээр барахгүй харин ч нуун дарагдуулж өнгөрөөх гэсэн байна. Мөн хэрэг илрэх үед сургуулийн захирал нь сурагч хүүг багшаа гүтгэсэн хэмээн буруутгаж байсан аж. Шүүх энэ бүхнийг үндэслэн сургуулийн захиргааг 130 мянган долларын нөхөн төлбөр төлөхийг үүрэг болгосон шийдвэр гаргажээ.

NUUTS.mn