Амьд хүний нурууны шивээсийг 150 мянган еврогоор худалдаж авчээ /гайхалтай/
Нийтэлсэн: 2017-07-25 03:01:11
.jpg)
Германы нэрээ хэлэхээс татгалзсан нэгэн урлагийн бүтээл цуглуулагч эрхэм Швейцарийн иргэн Тим Штанерийн нурууны шивээсийг 150 мянган еврогоор худалдан авсан тухай DW мэдээлжээ. Энэхүү гайхамшигт шивээсийг бельги зураач Вим Дельвуа зурж шивсэн гэнэ. Тимийг нас барсаны дараа гэрээний дагуу нурууны арьсыг өвчин авч жаазлаад цуглуулагчид хүлээлгэн өгөх гэнэ. Мөн шивээсээ ямар нэгэн байдлаар гэмтээхгүй байх үүрэг хүлээжээ. Хэрвээ гэмтсэн бол гэрээ цуцлагдаж авсан мөнгөө буцаан төлөх аж. Зураач Вим нь “Урлаг нь наймаан дээр л хөгждэг. Бүтээл нь зарагдаж борлуулагдаж байж л хүмүүсд хүрдэг. Тим бид хоёрыг ёс зүйгүй гэрээ хийсэн хэмээн буруутгаж байна. Тэгвэл өдгөө зарагдадгүй нэг ч зүйл байхгүй болсон тийм нийгэмд бид амьдарч байна” гэжээ. Нурууныхаа шивээсийг зарсан явдлыг хүний эд эрхтэн наймаалцсан хэрэг хэмээн шуугижээ. Гэхдээ энэ хэлцлийг байгуулахад эрхзүйн туслалцаа авч бүхнийг хуулийн дагуу хийсэн гэнэ. Энэ явдлын дараа Тим нурууныхаа шивээсээр мөнгө хийх боломж ч нээгджээ. Олон музей түүнийг амьд үзмэрийн хувиар үзэсгэлэнд оролцох санал тавьжээ.
NUUTS.mn
