Цөлд машин нь эвдэрсэнд 12 өдрийн дотор шинэ “төмөр хөлөг” босгож амиа аварч чадсан эр...
Нийтэлсэн: 2017-07-24 09:05:01
Энэ явдал тэртээх 1993 онд Хойд Африкын халуун цөлд болжээ. Өмнөд Африкын БНУ-д ажиллаж амьдардаг франц инженер Эмиль Лерей Сахарын цөлд ганцаараа аялахаар шийджээ. Аялалын унаа болгон “Citroen 2CV” гэдэг энэхүү тэргийг сонгож авсан нь эцсийн эцэст амийг нь аварчээ.
.jpg)
Аялалын маршрут ёсоор Мароккогийн Тан-Тана хотыг дайран баруун Сахарыг туулж Мавританид хүрэх ёстой байжээ. Гэтэл Тан-Тана хотод хүрэх үед нь Мавританд байлдаан эхэлсэн мэдээ авчээ. Ингээд чиглэлээ өөрчилөн батлагдаагүй замаар аялалаа үргэлжүүлсэн байна. Гэтэл замд гараад тав хоносоны дараа нэгэн хавцлын дэргэд машин эвдэрч таг зогсжээ. Засах ямар ч аргагүй болсоныг нарийн шалгаж үзээд ойлгожээ. Мөн холбоо барих ямар ч арга байсангүй. Эргээд Тан-Тана хот руу явган буцах нь амиа хорлосонтой адил хэрэг байсан. Хүнс усны нөөцөө тооцоолоход ямар ч байсан 14 хоног хүрэхээр байжээ. Эмиль эхлээд машинаа задалж бүхээгийн авч халуун нарнаас хоргодох байр болгожээ.
.jpg)
Ингээд машинаа бүрэн задалж хөл дүүжлэх ямар нэгэн унаа хийхээр шийдсэн байна. Машины эд анги, хөдлөх бүрэлдэхүүнээр мотоцикльтой төстэй унаа хийж болох байжээ. Харин тэр унааг нь Эмиль 12 хоногийн дотор хийж чаджээ.
.jpg)
Өөрийн хийсэн мотоцикльдоо “цөлийн тэмээ” гэдэг нэр өгчээ. Шинэ унаа нь цагт 30км хурдалдаг нь боломжийн хурд болжээ.
.jpg)
Тэрээр энэ унаагаараа дөрөв хоног давхиж хамгийн ойрын суурин хүрч аврагдсан байна.
Эмиль амийг нь аварсан унаагаа Өмнөд Африкын Кейптаун хот дахь гэртээ авчирч одоо хүртэл хадгалсаар байгаа аж. “Цөлийн тэмээ”-гээ өдгөө ч унаж давхидаг гэнэ.
НУУЦ.мн
