Нууц мэдээллийн уурхай

DailyМail-д мэдээлснээр 34 настай хүү нь салаад 28 жил болсон эцэг эхээ буцаан нийлүүлж гэрлүүлжээ. Аннете Винслей болон Дункан Грэй нар нь 1979 онд Brands Hatch-ны морин уралдаан дээр танилцаж анхны харцаар дурлаж хоёр жилийн дараа гэрлэжээ.

Удалгүй хүү Стюарт нь мэндэлсэн. Гэтэл хүүхэдтэй болсоны дараа тэдний харьцаа хөндийрч хэсэгтээ тус тусдаа амьдрах болжээ.

Энэ нь гэр бүлийг нь улам сулруулж 1989 онд албан ёсоор салжээ.  Эх нь хүүгээ өөртөө авчээ. Ийнхүү 20 гаруй жил өнгөрч хүү Стюарт нь 34 нас хүрчээ. Харин хүү нь эцэг эхээ буцаан суулгах төлөвлөгөө сэдсэн байжээ. Тэрээр уйгагүй зүтгэж ятгасны хүчинд эцэг эхээ уулзуулж чадсан байна. Бараг 400 кмын хол амьдардаг ааваа авчирах гэж нэлээд юм болжээ. Хүү нь тэднийг анх учирсан газарт нь аваачиж уулзаж болздог байсан газраар нь явуулжээ.

Энэ тухай хатагтай Аннете “Дункантай дахин уулзахад эхэндээ өмнө нь бид ерөөсөө эхнэр нөхөр хоёр байгаагүй мэт сэтгэгдэл төрсөн. Харин хүү маань бидний унтарсан мартагдсан хайрыг сэргээх гэж бүхнийг хийсэн. Бид салаад 20 жил болсон ч сэтгэлийн мухарт жаахан гэсэн хайр үлдэж хоцорсон байжээ. Тэр бүхнийг хүү маань ахин асааж чадлаа” гэжээ. Хүү нь тэднийг санаандгүй тохиолдол мэтээр зочид буудалд хамт орхиж бүр машинд нь цуг цоожилж байсан гэнэ. Энэ мэт олон удаагийн явдлын дараа хоёр арван жил тусдаа байсан хос ярилцаж сэтгэлээ нээлцсэн аж. Саяхан тэд ахин гэрлэсэн агаад хурмын гол баатар нь хүү Стюарт нь байжээ.
 

НУУЦ.мн