Нууц мэдээллийн уурхай

Америкийн цагдаагийн байгууллагад гүйцэтгэх ажлын дүрэм журмыг шинэчлэх өөрчлөх ажил өрнөж байна. Энэ ажлын хүрээнд биеэ үнэлэгч нартай ажил хэргийн тусын тулд “хувийн харьцаа” тогтоохыг бүрмөсөн хориглосон байна. Өмнө нь янхандалт биеэ үнэлэх гэмт хэргийг илрүүлэхийн тулд цагдаа нар нь гүйцэтгэх ажлын шугмаар биеэ үнэлэгч нартай унтаж болдог байжээ. Энэ нь нууц янхны газрыг илрүүлэх, биеэ үнэлэхийг зохион байгуулдаг гэмт бүлэглэлийг баривчлахад ихээхэн тус нэмэр болдог байсан гэнэ. Цагдаагийн нууц ажилтан үйлчлүүлэгчийн дүрээр биеэ үнэлэгчтэй дотно харьцаанд орж итгэлийг нь олж аван улмаар ар талд нь ажиллаж байгаа зохион байгуулагч-гэмт хэрэгтнүүдийг илрүүлэн баривчилдаг байсан. Биеэ үнэлэгчтэй унтах мөнгийг гүйцэтгэх ажлын зардалд тусгайлан суулгаж өгдөг байжээ. Гэтэл өдгөө энэ журмыг өөрчилж зардлыг хассанд цагдаа нар эсэргүүцжээ. Тэд гүйцэтгэх мөрдөх ажиллагааны ихээхэн үр дүнтэй арга хэлбэрийг хориглосоноор биеэ үнэлэх гэмт хэрэг, ялангуяа зохион байгуулдаг гэмт бүлэглэлийг илрүүлж чадахгүйд хүрнэ хэмээн ДЯЯ-аа “айлгажээ”.

NUUTS.mn