Нууц мэдээллийн уурхай

Энэ явдал Хятадын Цзиньхуа хотод болжээ. Өндөр барилгын бохирын хоолойд хүүхдийн уйлах дуу гарч байна гэсэн дуудлага гал командад иржээ.

Гал сөнөөгчид очиход үнэхээр дөрвөн давхар хавиас хүүхдийн уйлах чарлах дуу гарч байсан аж. 

Шалгаж үзэхэд бохирын хоолойд дөнгөж төрсөн нярай гацсан байдалтай байжээ.

Гал сөнөөгчид хүүхдийг аварахын тулд бохирын хоолойг тасдаж авчээ.

Дараа нь хоолойг задалж нярайг гаргаж авсан байна. Нярайг тэр дор нь эмнэлэгт хүргэжээ.

Бохирын хоолойд шахагдсаны улмаас нярайн зүрх уушиг гэмтжээ. Мөн бие нь ихээхэн урагдаж зулгарсан аж.

Цагдаагийнхан хүүхдийн эхийг удалгүй олсон нь тус байранд амьдардаг залуу бүсгүй байжээ. Бүсгүй жирэмсэн болсоноо гэрийхнээс нууж явжээ. Төрөх үед нь найз залуу нь хаясан гэнэ. Төрөх дөхсөн тул үр хөндүүлэх боломжгүй болж  үр хөндөж өгөх зарим эмнэлэг маш их мөнгө нэхсэн гэнэ. Харин ажилгүй бүсгүйд мөнгө байсангүй. Ингээд ариун цэврийн өрөөндөө төрж хүүхдээ шууд л  жорлонгийн нүхэнд хийгээд усыг нь татжээ. Хятадад дөнгөж төрсөн нярайг хөнөөх нь байнга гардаг.
 

НУУЦ.мн