Гадаадын жуулчдыг “хөөсөн” франц залуу гадаадын жуулчин эмэгтэйн амийг аварчээ /бичлэг/
Нийтэлсэн: 2017-07-19 01:40:28
Францын Монпелье хотын Карнон наран шарлагын газар нь Европдоо алдартай. Харин энэ хотын олон нийтийн зүтгэлтэн хошин шогч Реми Гайяр нь хотын удирдлагатайгаа хэзээний таардаггүй. Одоогийн хотын даргатайгаа бүр “хонь чоно” гэнэ. Ингээд ээлжит нэгэн ажиллагаа явуулсан нь жуулчдыг гомдоож шуугиан тарьсан ч эцэст нь нэгэн жуулчин эмэгтэйн амийг аварсан сонирхолтой явдлаар төгсжээ. Карнон наран шарлагын газар англи, испаничууд их ирдэг тул “Хараал идсэн жуулчид гэртээ харьцгаа” гэсэн бичгийг тэдний хэл дээр нь бэлдээд бага оврын онгоцонд уян наран шарлагын газрын дээгүүр нисжээ.
Үүнийг үзсэн англи испани амрагчид ихэд дүргүйцсэн байна. Хэрэг явдал тэр дороо хотын захиргаанд хүрч хотын дарга цахим хууудсаар Реми Гайярыг буруутга “Манай наран шарлагын газрыг сонгож ирсэн жуулчдыг доромжлох нь Реми Гайяр мэтээс л гарах үйлдэл. Олны анхаарлыг өөртөө татах гэж ядаж байгаа нь ой гутмаар хэрэг юм” гэжээ. Реми Гайяр тэр дор нь хариу өгч “Манай хотод одоо ч гэсэн бухын тулаан болдог нь бас л ой гутмаар зүйл шүү ... Хотын дарга гуай” гэжээ. Тэрээр хошин шогчийн хувьд энэ үйлдлээрээ жуулчдыг доромжлох бус харин хотод нь одоо ч болдог бухын тулаан, мөн наран шарлагын газрын аврагчид алдаг оног ажилладаг, ажлаасаа эрт буудагт амрагчдын анхаарлыг хандуулах гэсэн байжээ. Тэр өдөр аврагчид бас л ажлаасаа эрт буугаад явсан байжээ. Реми Гайярыг наран шарлагын газрын дээгүүр нисэж байхад гэнэт нэгэн англи ахимаг хатагтайн бие мууджээ. Хошин шогч тэр дор нь газардаж онгоцондоо суулган эмнэлэг рүү нисжээ. Харин онгоцны буудалд түүнийг цагдаа болон түргэн тусламжийн тэрэг хүлээж байжээ.
