БСШУЯ-ны экс ТНБД Б.Баярсайхан халагдсандаа экс сайдаа буруутгажээ
Жүжигчин Амараагийн зурсан шүдэнз асаад дууссан уу гэмээр явдал болж эгч Б.Баярсайханг нь яамны ТНБД-ын ажлаас чөөлөөлжээ. Албан ёсны шалтгаан нь "Салбараа болон төрийн албан хаагчдыг мэргэжлийн удирдлагаар хангаж ажиллаж чадаагүй ...” гэжээ. Харин экс ТНБД хатагтай экс сайд Ж.Батсууриа энэ явдалд буруутгажээ. Сайд нь эрх мэдлийг нь хязгаарлаж ажил үүргийг нь өөрийн авчирсан газар, хэлтсийн дарга нартаа өгчихдөг байсан тул нийт ажлынхаа 20-30 хувийг л хийж амжсан гэнэ. Бас л итгэмээргүй шалтгаан юм. Экс сайд нь намдаа хамгийн сул, номхон ноомой гишүүний нэг гэдгийг огцруулах асуудлыг хэлэлцсэн УИХ-ын чуулганы хуралдаан дээр үг хэлсэн гишүүд нэгэн дуугаар баталсан. Ийм номхон зөөлөн хүнд дээрэлхүүлж байсан бол залуу эрч хүчтэй боловсон хүчин гэгдэн ТБНД-ын албан тушаалд суусны хувьд өөрийх нь буруу болжээ. Түүнээс гадна нэгэнт огцорсон Ж.Батсуурь яамны газрын дарга нарыг трухиран Б.Баярсайханг унагах ямар ч боломжгүй. Газрын дарга нарт ч тийм зориг байхгүй. Харин ч сонгуулийн ялагдалдаа дүгнэлт хийсэн МАН томилгооны алдаагаа засаж эхэлжээ. Мэргэжлийн Засгийн газар гэх нэрэндээ тохироогүй маш олон томилгоо иргэдийн уур бухимдлыг төрүүлж Ерөнхийлөгчийн сонгуульд ялагдах шалтгааны нэг болсон билээ. Харин дүүгийх нь хувьд ирэх сонгуульд тэрээр МАН, АН хоёрын төлөө бус МАХН-ын төлөө шүдэнз зурах нь ойлгомжтой боллоо.
НУУЦ.мн
