Нууц мэдээллийн уурхай

Монгол улс Ерөнхийлөгчтэй болсон ч тэргүүн хатагтайтай болсон эсэх нь мэдэгдэхгүй байна. Ямар ч байсан тийм нэгэн эмэгтэй байх нь байгаа бололтой. Гэхдээ хэзээ ил гарч ард түмэндээ гэгээн дүрээ үзүүлж гийгүүлэхийг бид таашгүй.  Харин энэ зуурт бид Америкийн Ерөнхийлөгчийн охин Иванка Трамп шиг тэргүүн охинтой болж магадгүй байна. Ерөнхийлөгчийн сонгуулийн сурталчилгаа болон тангараг өргөсний дараахь бүхий л албан ёсны арга хэмжээнд Х.Намуун нь аавыгаа сүүдэр мэт дагасан. Наадамын асарт Ерөнхий сайдыг гэргийн хажууд сууж байна.

Уг нь тэргүүн хатагтайд зориулагдсан суудал. Энэ өдрүүдэд дэлхийн хэмжээний арга хэмжээнд Америкийн Ерөнхийлөгч Дональд Трампыг охин нь орлолоо. Бүр “Их-20” хэмээх тэргүүлэгч гүрнүүдийн удирдагчдын уулзалт дээр аавыгаа орлож хуралд сууж үг хэлж бусад удирдагчидтай зургаа татуулсан нь шуугиан тариад байна.

Монголд ч ийм байдал гарахгүй гэх газаргүй болжээ. Б.Намуун нь Иванка Трампын үйл ажиллагааг судалж сонирхож байгаа аж. “Их-20”-ын уулзалтаар тусгай хуралдаан удирдсан нь ихээхэн сэтгэгдэл төрүүлсэн тул бичлэгийг нь үзсэн гэнэ. Нэгэнт одоогоор албан ёсны тэргүүн хатагтай байхгүй тул охин нь тэргүүн хатагтайн үүргийг гүйцэтгэхэд болохгүй гэх газаргүй. Улстөр, албан ёсны арга хэмжээнд дургүй Мелани Трамп нь охиндоо зайгаа шууд тавьж өгсөн. Харин Б.Намуунд зайгаа тавьж өгөх хүн одоогоор алга. Тэрээр аавыгаа завгүй үед хурал удирдаж, манай улсад айлчилан ирсэн гадаад орны тэргүүн хатагтайг дагуулан явахыг бид удахгүй үзэх байх ...
 

НУУЦ.мн