Нууц мэдээллийн уурхай

Энэ өдрүүдэд ХААХҮ-ийн сайд П.Сэргэлэн хадны завсар хавчуулсан халиуны зулзага шиг явна. Учир нь Монголын Морин спорт уяачдын холбооны тэргүүн М.Энхболд болон Бая наадамын комиссы дарга, шадар сайд У.Хүрэлсүх хоёрын дунд эрлийз монголын морины хасна хасахгүй гэсэн тулаан эхлээд байна.  Энэ тулаан өчигдөр хурдан морины уралдааны шүдлэн насанд хурц илэрч Шадар сайдын “ялалтаар” төгслөө. Нийт  251 бүртгүүлсэнээс хоёр шалгуураар шалгаж 192 -ийг нь хасаад 59-хөн шүдлэн уралдсан. хасан 59 монгол шүдлэн уралдлаа. Хязааланд мөн л эрлийз гэх шалтагаар айргийн дөрвийг хассан. Ийнхүү “монгол талынхан” дийлээд эхлэсэн.

Нам доторхи хүчний харьцааг соргогоор мэдэрсэн Шилэн Цогоо нар нь шадар сайдаа магтан дуулж байна. Гэтэл өмнө нь наадамд эрлийзүүд “шинэ монгол адуу” гэх нэрээр чөлөөтэй уралддаг байсан. Энэ нь үнэндээ М.Энхболдыг ММСУХ-ны тэргүүнээр сонгогдсоноос хойш л хавтгайрсан явдал юм. Холбоо шийдвэр гаргаж сэрвээний өндөрийг нэмсэнээр эрлийзүүд хүч түрэн орж ирсэн.  Алдарт Т.Бадамжунай гээд эрлийз адуутай томчууд олон бий. Гэхдээ шадар сайдын талынхан “будаач будаач гэхээр сахлаа будав” гэгчээр хэтрүүлж байгаа нь шүдлэнд харагдлаа. Өндөр монгол адууг шууд эрлийз гээд сэрвээний өндрөөр нь хассан.

Хасагдсан морьдыг хараад А.Цандэлэг зэрэг уяачид хүртэл гайхаж толгой сэгсэрч сууна. Таван шүдлэнтэй ирээд тавуулаа хасагдсан тохиолдол гарсан. Морь хасагдахад уяач хүүхэд нь уйлаад хоцорч байна.

Бүтэн жилийнхээ хөдөлмөрийг үгүйсгүййлсэн уяачид холбооны нарийн бичгээр ажиллаж байсан, өдгөө сайд П.Сэргэлэнд гомдол гаргаад бүтээгүй гэнэ. Өмнө нь адуу хилээр гаргахыг хориглосон Шадар сайд энэ удаад цэвэр монгол адуугаар бас л “тоглолт” хийлээ хэмээн гомдсон уяачид бухимдаж байна.
 

NUUTS.mn