Нууц мэдээллийн уурхай

Оросд Каравайкин гэдэг эр 14 настай охиныг нь хүчирхийлсэн залууг шүүхийн танхимд хутга шидэж хөнөөжээ. Бүх зүйл агшин зуур болсон тул шүүхийн хамгаалалтын алба зогсоож чадаагүй байна. Өмнө нь Чеченьд байлдаж байсан гэх аав нь урьдчилан бэлдсэн гар хийцийн гурван хутгатайгаа шүүхийн байранд орж иржээ. Өдгөө зэвсэгтэй хүнийг нэвтрүүлсэн гэх асуудал үүсжээ. Шүүх шүүгдэгчид тэнсэн харгалзах ял өгсөний дараа цагдаа нарын дунд яваа хүчирхийлэгч рүү 20 метрийн зайнаас гурван хутгаа дараалан шиджээ. Хоёр нь зүрхэнд нь зоогдож нэг нь хоолойд нь туссан байна. Үхлийн шарх авсан хүчирхийлэгч газар дээрээ амиа алдсан байна. Охины аавыг мөн газар дээр нь баривчилжээ.
-Маш сайхан цэцэг тарьж ургуулсан байхад нэг этгээд шавартай гутлаараа гишгэлэхэд ямар байдаг вэ... Үүнийг гадарлах хүн л намайг ойлгоно. Охин маань хүчирхийлүүлсний дараа хоёр ч удаа амиа хорлох гэлээ. Гэтэл шүүх энэ өөдгүй амьтанд ердөө таван жилийн тэнсэн л өгч байна. Өмнө нь эдний талынхан өргөдлөө татахыг шаардаж маш мөнгө амласан. Намайг татгалзахад зэрлэгээр зодсон. Хариуд нь би шударга ёсыг ингэж тогтоож байна-
Тэрээр гар хутгаа өөрөө хийсэн гэнэ. Мөн олон цагаар хутга шидэх дасгал хийжээ. Түүнийг бусдын амийг санаатай хөнөөсөн хэмээн яллахаар болжээ.

НУУЦ.мн