Мужийн захирагч иргэдэд үйлчлэхийг нь зогсоосон улсын наран шарлагын газарт гэр бүлтэйгээ амарчээ
Нийтэлсэн: 2017-07-04 05:42:08
.jpg)
Guardian-д бичсэнээр Тусгаар тогтнолын баяраа тэмдэглэж байгаа америкчууд дундаас Нью-Жерси мужийнхан хамгийн их бухимдалтай байгаа гэнэ. Жил бүрийн 7-р сарын 4-нд Америк даяар энэ баярыг тэмдэглэдэг агаад энэ мужийнхан улсын мэдлийн амралтын газар, наран шарлагын газруудад амрах дуртай гэнэ. Гэтэл мужийн захирагч Крис Кристи (Chris Christie) нь 7-р сарын 1-нд гарсан захирамжаараа төсвөөс санхүүждэг амралт зугаалгын газруудын үйл ажиллагааг бүрэн зогсоожээ.
.jpg)
Энэ явдлыг мужийн сенат жил бүрийн 6-р сарын 30-ны дотор батлах ёстой 2018 оны мужийн төсвийг хуулийн хугацаанд нь баталж амжаагүй гэж тайлбарласан ч иргэд нь дургүйцэн хүлээж авсан. Мужийн сенат ч үүнийг няцааж амбан захирагч төсвийн төслийг хугацаа тулгаж оруулж ирсэн гэж эсэргүүцэж. Гэтэл захирамж гарсаны ердөө маргааш нь мужийн захирагч иргэдэд үйлчлэхийг нь зогсоосон наран шарлагын газартаа гэр бүлийн хамт амарч байгаа зураг цахимаар цацагджээ.
.jpg)
Зургийг мужийн NJ.com сайтынхан дроноор авчээ.
.jpg)
Захирагчийн ажлын албанаас яаран хэвлэлийн бага хурал зарлаж захирагч гэр бүлийн хамт ердөө ороод л гарсан, хэт халуун байснаас удаагүй гэж мэдэгдсэн ч энэ нь олон нийтийн бухимдлыг намжаагаагүй гэнэ.
.jpg)
Түүнээс гадна амралтын газрын зам дээр цагдаагийн ажилтнуудыг хамгаалалтанд гаргасан нь хүртэл илэрчээ.
NUUTS.mn
